========
မငိုပါကဲ့ နှမချေ
မျက်ရည်ကို အသာသုတ်လိုက်ပါ --။
အမိကိုလည်း သူရို့ကြိုးတုတ်
ဒုတ်နန့်လည်း သတ်သိမ့်ရေ --။
အဖကိုလည်း ၀ရမ်းပြီးလတ်
သူရို့ စွပ်စွဲကတ်တေလေ --။
ရွာကိုလည်း သူရို့မီးလျှို့
နွားဝက်တိကိုလည်း ယူ
(သူရို့ရေ)
တိရိစ္ဆာန်ထက် ညှက်တေလူ --။
ရွာက သက်ကြီးရို့ကိုလည်း
အမေ အမေလို့
သူရို့ ခေါ်ကတ်တေ။
ပြီးကေ အမိပစ္စည်း
သူရို့ ခိုးရေ --။
မယိုင်ကျေးရေ
လူရိုင်းတိက
ငါရို့တိကို
ဝန်သယ်ခိုင်းကတ်တေ --။
သူရို့ရေ
အငတ်တိုင်းပြည်က
လာကတ်တေလူ --။
ငါရို့ယာကို
ဝင်ရေဆိုကေယင့်
ထိုချင့်ခူး ဒေချင့်ခူး
အသားငါးကိုလည်း မမြင်ဖူး
အစားလည်း ကြူးကတ်တေ --။
ငါရို့ပြည်ကို
ကျူးကျော်လာရေ လူတိက
ငါရို့ကို သူပုန်ကို အားပီးရေလတ် --။
ဆန်ပြာဖို့ခေါ်လားရေ
နင့်သူငယ်ချင်း (----) လည်း
နောက်နိမိုးလင်းမှ
ရွာပြန်ရောက်တေ --။
သက်ကြီးရွာသူကြီး
အဖိုးသျှင်ကိုလည်း
သူရို့နှိပ်စက်
နောက်ဆုံးကျ
ပစ်သတ်လိုက်ကတ်တေ --။
ခါးကုန်းကုန်းနန့်
အဘောင်မ ဂေါက်မကိုလည်း
သူရို့ စခန်းအတွက် ရီခပ်ခိုင်း
ပယိုင့်တောင်းတိ ရက်ခိုင်း
လုပ်ချင်တိုင်းလုပ်
အမှန်သူရို့ ယုတ်မာရေ --။
နင့်ကိုလည်း
နောက်ဆုံးမှာ
မုဒိန်းကျင့်ခကတ်တေ --။
မငိုပါကဲ့ နှမချေ
မျက်ရည်ကို အသာသုတ်လိုက်ပါ။
ကလက်ချောင်းကို ဆန်တက်
ခရီးဆက်ရခန့်သိမ့်လေ --။
တနိနိ တချိန်ချိန်ကျ
ငါရို့ပြည်
လွတ်ကိုလွတ်မြောက်ဖို့စွာရာ --။
(သာလှဦး)
UNDC မဂ္ဂဇင်း အမှတ် (၂)
No comments:
Post a Comment