စာပီ၏အညှီအဟောက် (မာ၊ ဧ့၊ နဲ့)

စာပီ၏အညှီအဟောက် (မာ၊ ဧ့၊ နဲ့)
==================
နိုင်ငံရီးမှာ သစ္စာဖောက်
မျိုးချစ်သူရဲကောင်း တံဆိပ်ခတ်လို့ --။

စာပီမှာ အညှီအဟောက်
ပါရဂူ ကတိ ပညာဟိ ဂျီဝါဂျီဝိ
နဖူးမှာ စာတိကပ်လို့ --။

(သာလှဦး) (June 27, 2016)(တလင်္လာနိ)

ငပိန်ငညှောင်

ငပိန်ငညှောင်
=========

ငါဆိုရေ အကောင်က
တချက်လီသလပ်စွာနှင့်
ဖက်ရွက်ချေပိုင်
ရွင့်စိုင်ကျလားဖို့
ငပိန်ငညှောင်
အကောင်ချေပါရာ --။

ကျားစားလို့မကုန်ရေ ခန္ဓာ
မဟာမုဏိကျောင်းတိုင်လောက်သန်ရေ လက်မောင်းတိနှင့်
ဆင်ပြောင်ကြီးတိက
ဖင်ကချီးထွက်အောင်
သီးခြားလွတ်လပ်ရီး
ကျွီးအော်ပြီးကေ
တယောက်ပြီးတယောက်
ဒူးထောက်လားခကတ်တေ ---။

ယေကေလည်း
ယင်းချင့်ထဲမှာ
ငါကားမပါ --။

တော်လှန်ရီးလည်းမလုပ်ဖူးဘဲနှင့်
ဖင်ကချီးထွက်အောင်
တော်လှန်ရီး ကျွီးအော်နီကတ်တေ
အကောင်တိထဲမှာလည်း
ငါကား မပါ --။

ငါဆိုရေ အကောင်
တချက်လီသလပ်စွာနှင့်
ဖက်ရွက်ချေပိုင်
ရွင့်စိုင်ကျလားဖို့
ငပိန်ငညှောင်
အကောင်ချေပါရာ --။

ယေကေလည်း
ဇာအခက်အခဲနှင့်ပင် ကြုံတွိ
ဇာအန္တရာယ်နှင့်ပင် ရင်ဆိုင်
လျှပ်ဆိုကေ နားခတ်က မီးတောက်တေ အကောင် --။

ဗမာစစ်တပ်က
မီးစိမ်းတချက်ပြလိုက်စွာနှင့်
ဒယွားမရ ထပိန်မရ
နောက်ကျခြီထောက် သစ္စာဖောက်
ဒူးထောက်လားခရေ သူရဲကောင်းတိထဲမှာ
ငါကား မပါ --။ ။

(သာလှဦး)(December 17, 2015) (ကသစ်ဗုဒ္ဓိနိ)။

ခေတ်ယုတ်

ခေတ်ယုတ်
=======

ငါးစိမ်းသည်မ ပါးစက
ဂရင်သီးနံ့ မွှီးရေ ---။

(သာလှဦး)

January 8, 2016 (သောက်ကြာနိ)