လူသတ်ဘုရားအား ဦးတိုက်သူများသို့

လူသတ်ဘုရားအား ဦးတိုက်သူများသို့
===================

ဒေ၀န်းအောင်ကျော်ရွှီရို့
ရခိုင်ပြည်ကို
ပြန်လည်သိမ်းပိုက်ခါ
မြောက်ဦးမှာ
မြန်မာတိုက်ဝန်တည်ထားခရေ
ရွှေဂူမစေတီကို
အမြစ်မကျန် တူးလှန်
ဖြိုသတ်ပစ်လိုက်တေ --။

ရခိုင်သားတိ
ရခိုင်တော်လှန်ရီးလုပ်လို့
ရခိုင်ပြည် လွတ်လပ်ရီးရလာကေ
သန်းရွှေအထုပ်တင်ထားခရေ
ရတနာပုံစေတီခေါင်းချွန်းနှင့်
စစ်တွေမြို့က အထင်ကရ
လောကနန္ဒာစေတီတော်မြတ်ကြီးကို
ဖြိုဖျက်ဝန့်ဖို့ သတ္တိဟိကတ်ဖို့သိမ့်လား --။

ရခိုင်ပြည်လွတ်လပ်ရီးရခါလည်း
ရခိုင်သားအရိုး တိုင်းရင်းသားအရိုး
ဘုန်းကြီးအရိုးတိကို ဌာပနာလို့
တည်ထားခရေ
လောကနန္ဒာစေတီကိုရာ
အရာလည်း ရှိခိုးရခန့်ဆိုကေ
ဂိုးချေရို့ လွတ်လပ်ရီးက
ကောင်းက ကောင်းယင့်
ယေကေလည်း
မျက်စိစပ်တေ --။

(သာလှဦး)
ဧပြီလ (၂၁) ရက် ၂၀၁၅။ အင်္ဂါနိ။

အဘာ (၏) သီတမ်းစာ

အဘာ (၏) သီတမ်းစာ
===========

ငါက ဇာမဟုတ်တေ
အညတရ
အက္ခရာချေ တလုံးပါရာ
တချို့က သရလို့လည်း ပြောကတ်တေ --။

သစ္စာဖောက်တိက
ငါ့ကို ကျောက်ထဲမှာ ပုန်းနီကေလည်း
ဆောက်နှင့်ထွင်းလို့ ဖျက်
ပြတိုက်ထဲမှာ ၀ှက်နီကေလည်း
ဘူဒိုဇာနှင့် ဖြို
ပီအုပ်ထဲမှာ အောင်းနီကေလည်း
နာဠာဂီရိနှင့် ထိုး
အမျိုးမျိုးတိုက် ဖျက်ကတ်တေ --။

ကြာလာကေ ငါ့မျက်နှာမှာ
အစက်အပြောက်
ကျောက်ပေါက်ခရာနှင့်
ရစရာ မဟိဗျာ --။

မိုးကြိုးပစ်လို့ မကျွတ်တေ လူတိကို
ငါ မသီခင် တခုချေက မှာခမည်

အဘာမဟိခါ
ကောင်းကောင်း ပျော်လို့ရာ နီလီဖိ
ဟက္ကရီကျတိ --။

(သာလှဦး)

ခဲဝါ ပတုန်းပြတ်

ခဲဝါ ပတုန်းပြတ်
=======

ဘေးဘေမှာ
သီရာသီဖို့ ၀မ်းကျမတန့် --။

မချေမှာလည်း
ရက်ပြတ်ရာ (ဧ့) ကိုက်နီကေ
ဒေတသက်
နပျိုးတုံးကို ခေါင်းအုံးလို့
ဘ၀တုံးဖို့ယေ --။

ကံကောင်း အကြောင်းလှလို့
ပေါင်းဖက်ရကေလည်း
မျောက်ခဲဝါ
ပတုန်းပြတ်နန့်ရာ
ဖူးစာဆုံလိမ္မည် --။

(သာလှဦး)

အမှန်ပြောကေ လူနန့်မသင့်

အမှန်ပြောကေ လူနန့်မသင့်
===============

မြန်မာစကားချေ ကြွိလို့
တော်လိုက်တေပင် ငါသား
အမင်စကား မိလို့လားကေ
မွီးရေအမင် မင်းအမိမှာ
ဝမ်းရီဆာရေ --။

ဝမ်းရေးမ၀ စားရဖို့တွက်
ရွီးပါရသည် မြန်မာပိုင် --။

Project ကျဖို့ ခါးလှဖို့တွက်
ပြောပါရသည် မြန်မာပိုင် --။

ရခိုင်စာကို မတတ်ပါ၍
ရွီးပါရသည် မြန်မာပိုင် --။

တော်လှန်ရေးလား ကျွန်ခံရေးလား
အာရီယံများ
နဖူးပြင်မှာ လက်ချေတင်လို့
စဉ်းစားစဉ်းစား --။

(သာလှဦး)

ဖက်ခွက်ကြီးနှင့် ဖက်ခွက်ချေ

ဖက်ခွက်ကြီးနှင့် ဖက်ခွက်ချေ
===============

ဖက်ခွက်လက်အောက်
ကျရောက်သောကြောင့်
ကကောင်း ၀မ်းမြောက်မနီကဲ့ --။

ဖက်ခွက်အောက်က
လွတ်မြောက်ဖို့တွက်
ရုန်းထွက်ကြိုးစား
ရခိုင်သား --။

ဖက်ခွက်ကိုပင်
ခပဇာတင်
ဖက်ခွက်ကိုယက်
ခွီးထက်ညှက် --။

ယက်ကေ ယက်ဝေ
ဖက်ခွက်ချေ
နာမည်ရမည်
မရှက်လားဝေ --။

(ကိုးလံ)

ရရခိုင်သား ၀အောင်စား

ရရခိုင်သား ၀အောင်စား
============

မျန်မာလက်အောက် ကျရောက်သောကြောင့်
ရခိုင်သားမှာ ကိုယ်၏စာကို
မျန်မာစကားဖြင့် ရွီးပါသည် --။

အင်္ဂလိပ်လက်အောက် ကျရောက်သောကြောင့်
ရခိုင်သားမှာ ကိုယ်၏စာကို
မျန်မာစကားဖြင့် ရွီးပါသည် --။

ပြည်ထောင်စုအောက် ငါးပါးမှောက်၍
ရခိုင်သားမှာ ကိုယ်၏စာကို
မျန်မာစကားဖြင့် ရွီးပါသည် --။

ဆရာဆရာ ၀မ်းရီဆာ
ထီးပျောက်နန်းပျောက် တိုင်းပြည်ပျောက်လို့
လူမျိုးပါပျောက်ခါမှ
ရခိုင်သားမှာ ရခိုင်စာကို
ရခိုင်စကားဖြင့်ရွီးပါဖို့လား --။

(သာလှဦး)