ရခိုင်ကျောက်သင်ပုန်း

ရခိုင်ကျောက်သင်ပုန်း
===========

(က) ကိုမူကား ကတောင်းရီခွက်ဥက္ခောင်းထက်မှာ တင်ကာသော်လည်း ဟန်စွလေ။
(ခ) ကိုမူကား ခရင်းတောင်းကိုရက်ကာသော်လည်း ဟန်စွလေ။
(ဂ) ကိုမူကား ဂဏန်းသင်္ချာ တွက်ကာသော်လည်း ဟန်စွလေ။
(င) ကိုမူကား ငရံ့ကိုယ်လုံး ရုန်းကာသော်လည်း ဟန်စွလေ။
(စ) ကိုမူကား စပါးတောင်ယာ စိုက်ကာသော်လည်း ဟန်စွလေ။
(ဆ) ကိုမူကား ဆရာမိဘ ရိုသေရလည်း ဟန်စွလေ။
(ဇ) ကိုမူကား ဇရပ်သာယာ ရွာဦးကျောင်းမှာ ဟိပါသော်လည်း ဟန်စွလေ။
(ဈ) ကိုမူကား ဈီးပြုလားကာ လားကာသော်လည်း ဟန်စွလေ။
(ည) ကိုမူကား ညဇာသားခါ လပယာလည်း ဟန်စွလေ။
(တ) ကိုမူကား တရားနာကာ နာကာသော်လည်း ဟန်စွလေ။
(ထ) ကိုမူကား ထမင်းဆီဆမ်း ရွှီလောင်ပွန်းနှင့် စားကာသော်လည်း ဟန်စွလေ။
(ဒ) ကိူမူကား ဒယွားပန်းဖော် ၀တ်ကာသော်လည်း ဟန်စွလေ။
(ဓ) ကိုမူကား ဓပြုတ်သီးကို ပြုတ်ကာသော်လည်း ဟန်စွလေ။
(န) ကိုမူကား နဂါးအမောက် ကောက်ကာသော်လည်း ဟန်စွလေ။
(ပ) ကိုမူကား ပိတောက်ဂေါင်းမှာ ပန်ကာသော်လည်း ဟန်စွလေ။
(ဖ) ကိူမူကား ဖရဲသီးကို ခွဲကာသော်လည်း ဟန်စွလေ။
(ဗ) ကိုမူကား ဗုဒ္ဓမြတ်စွာ ကြွလာသော်လည်း ဟန်စွလေ။
(ဘ) ကိုမူကား ဘုရားမြတ်စွာ သာသနာကို စောင့်ကာသော်လည်း ဟန်စွလေ။
(မ) ကိုမူကား မင်းထီးမင်းဗာ စိုးပါသော်လည်း ဟန်စွလေ။
(ရ) ကိုမူကား ရထားစီးကာ လားကာသော်လည်း ဟန်စွလေး။
(ယ) ကိုမူကား ယမုံနာ မြစ်ရီချိုးကာ ချိုးကာသော်လည်း ဟန်စွလေ။
(လ) ကိုမူကား လမုတောမှာ ချောင်းနားမှာလည်း ဟန်စွလေ။
(၀) ကိုမူကား ၀ရံတာ အိမ်တန်းပျင်းမှာ ထိုင်ကာသော်လည်း ဟန်စွလေ။
(သ) ကိုမူကား သရက်ချိုအီး မွှီးပါသော်လည်း ဟန်စွလေ။
(ဟ) ကိုမူကား ဟင်္သာငှက်များ နားကာသော်လည်း ဟန်စွလေ။
(အ) ကိုမူကား အသံကြားသော် နာသာသော်လည်း ဟန်စွလေ။

(သာလှဦး)

သတိ

သတိ
===

လူမျိုးတမျိုးမှာ
စာပီဆိုစွာ အသက် --။

လူမျိုးတမျိုး၏တံတိုင်း
လူမျိုးတမျိုး၏ခံတပ်ဆိုကေလည်း ဖြစ်တေ --။

စာပီပျောက်ကေ
လူမျိုးပျောက်တေ
စာပီမှောက်ကေ
လူမျိုးမှောက်တေ
မင်းလည်းအသိ ငါလည်းအသိ --။

(ယကေလည်း)
ချင်ဆီ ဖျက်ချင်တိုင်းဖျက်
ချိုးချင်တိုင်းချိုးဖို့
မင်းရို့အိမ်နောက်ဖေးက
ရှောက်ခြမ်းစိတ်မဟုတ် --။ ။

(သာလှဦး)

အံကြိတ်သံ

အံကြိတ်သံ
======

မိုးကောင်းတုန်းခါ
ရွာရာရွာ --။

(သာလှဦး)

ယောက်မတုံးရေ

ယောက်မတုံးရေ
=========

မောင်းမောင်ရို့ တိုက်စွာ
လီလား --။

မောင်းမောင်ရို့ တိုက်စွာ
ကြမ်းလား --။

မောင်းမောင်ရို့ တိုက်စွာ
ပြောင်းလား --။

မောင်းမောင်ရို့ ဖောက်စွာ
ဝါးပြောက်လား --။

ထားလိုက်ပါ မောင်းမောင်
အလကား ယင်းစကား
နားခါးရေ --။

ငပိလိုလား ဆားလိုလား
(ပြော) ယောက်မတုံးရေ --။

(သာလှဦး)

ဂြင်း

ဂြင်း
==

သံထဲကိုယ်၌
သံကဖြစ်သည်
သံချီးကိုက်ခြင်းအကြောင်းရင်း --။

(သာလှဦး)

မောင်ကြီးသျှင်သို့ စာတစောင်

မောင်ကြီးသျှင်သို့ စာတစောင်
==============

စောင့်နီပါရေ မောင်းမောင်
ဇာခါလာဖို့လဲ
သွီးတောင်ဆုံးလားယာ --။

တိုက်စိုးရို့ပိုင်
လက်နက်ချရစွာကို
မှိုရမျက်နှာနန့်
ပြန်ဝင်လာဖို့လား --။

မောင်းမောင်ရို့ကို
တချို့က ပြောကတ်တေ
(လက်နက်ရှာဖွေရေးအဖွဲ့) ဆို --။

မယုံပါ မောင်းမောင်
မနာလိုလို့ ပြောစွာရာဟိဖို့ --။

မောင်းမောင်ရို့ အစွာလောက်
မျိုးခြစ်စွာကို သိပါရေ --။

မောင်းမောင်သူရဲကောင်း
မင်းအလောင်းကို
ပန်းခွေစွပ်လို့ သဂြိုဟ်ပါဖို့ --။

လာရာလာလတ်
ပြန်မလွှတ်ပါ --။

လက်ရွီးမလှ စာလုံးကျ၍
သတ်ပုံမှားက
သည်းခံ၍ဖတ်ပါ
မောင်းမောင်ရည်းစား မကြိုင်ဖြူ  --။

(သာလှဦး)

အစ (နှင့်) အဆုံး

အစ (နှင့်) အဆုံး
========

အစမှာ တက်ကြွ
အဆုံးမှာ ကြွတက် --၊

(သာလှဦး)

မျက်နှာငယ်ပန်းခင်း

မျက်နှာငယ်ပန်းခင်း
=========

သူ့ပန်းခြံမှာ
ဖြူပြာနီဝါ
တင့်တယ်ပါ၏ --။

ငါ့ပန်းခြံမှာ
ပြာပြာဟောက်ဟောက်
သွိခြောက်၏ --။

ဆလိမ်နွယ်အုပ်
ထွီးယှုတ်ခြာခြူ  သပွတ်အူလိုက်
ငါ၏စိုက်ခင်း
ကြည့်ယင်း စိတ်ညစ်ရပါသည် --။

ထုပ်ပိုးသယ်ကူ
သျှင်လူနောက်လိုက်
ပန်းကမစိုက်
ပေါင်းရာစိုက် --။

မောင်ပေါက်
(ရခိုင်ပြည်)

မျက်နှာငယ်ပန်းခင်  = ရခိုင်စာပီအိမ်

ညက တော်လှန်ရေးကိုရောက်

ညက တော်လှန်ရေးကိုရောက်
================

ညက တော်လှန်ရေးကိုရောက်
သွားပေါက်စ ခွီးချေတိ
ညီညွတ်ရေးဆို
ပုသင်ညို
လိုင်ကိုလှုပ်လှုပ်
ခလိမ်ယှုတ် ---။

ညက တော်လှန်ရေးကိုရောက်
သွားပေါက်စ ခွီးချေတိ
တော်လှန်ရေးဆို
တောထဲခို
ဂြာအိုလည်းကျ
လက်နက်ချ ---။

ညက တော်လှန်ရေးကိုရောက်
သွားပေါက်စ ခွီးချေတိ
ရဖျူဂျီကို မလိုဆို
မလိုဘဲလျှောက်
နတ်ပြည်ရောက် ---။

ညက တော်လှန်ရေးကိုရောက်
သွားပေါက်စ ခွီးချေတိ
တုံးပိုင်းကိုကိုင်
ဆောင့်ခြောင်ထိုင်
တုံးပိုင်းလည်းကျိုး 
ဂျွန်းလည်းထိုး ---။ ။
 
မောင်ပေါက်
(ရခိုင်ပြည်)

သူရို့ကြောင့်

သူရို့ကြောင့်
=====

ရခိုင်သမ
ကျသည့်မျက်ရည်
မြစ်ပင်လယ်သို့ မိုးရီသို့ --။

မောင်ပေါက်
(ရခိုင်ပြည်)

ဈာန်သမာပါတ် ၀င်စားပါဘုရား

ဈာန်သမာပါတ် ၀င်စားပါဘုရား
==============

ကိုယ်တော်ဘ၀ အညတရ
ရွှေမချလည်း သီလသမာဓိ
ဟိပါ၏ --။

နီဆာလည်းလှုံ မိုးလည်းကြုံ
ချမ်းတုံသော်လည်း မဖြုံ --။

မဟာမုနိ ဣဓိတန်ခိုး
ထိန့်ထိန့်ကြိုးလည်း သူခိုးပူဇော်
ပသသော်က ပျက်စီးရသည်
သကျဘီလူး မျက်စိပြူးသို့ --။

(သာလှဦး)

အမိုး (နန့်) သူခိုး

အမိုး (နန့်) သူခိုး
========

သူခိုးတိက အစိုးရ
အမိုးဘ၀ မသက်သာ
အမိုးခွက်ကို
သူခိုးခိုးသောအခါ --။

အမိုးမှာ မျက်စိမမြင်ပါ
ခွက်ပျောက်လို့ လိုက်လို့ရှာ --။

(သာလှဦး)

AMO & THIEVES
============
The thieves are the governors,
Therefore, Amo's life is very difficult.
They stole Amo's cup.
Amo is blind,
And looking for her stolen cup.

(Translated by Tha Hla Oo)

မြန်မာနိုင်ငံတော်သီချင်းသစ်

မြန်မာနိုင်ငံတော်သီချင်းသစ်
==================

ကမ္ဘာမကျေ
မသာမြေ
သူခိုးတွေနေ --။

"ပြည်ကျွန်ပြု" ကို အသက်ပေးလို့
ဒို့ကာကွယ်မယ် --။

မီးလောင်မြေ
အကျည်းတန်နေ
အီးပေါက်တာနဲ့ ကွဲကြေနိုင်တဲ့
မုန့်လပွေ --။

အသက်ပေးမရရင်
နှမပေးလိုက်လေ
အနူထဲက လူချောလေးတွေ
သိပ်တော်ပါတယ် --။

(သာလှဦး)

နေမ၀င်အင်ပါယာကြီးပြိုကွဲခြင်း

နေမ၀င်အင်ပါယာကြီးပြိုကွဲခြင်း
==============

နေ၀င်းဟာ
နေ၀င်သွားပြီမို့
သာထုဘဲ ခေါ်လိုက်ကြပေတော့
အရပ်က တို့ရယ် --။

(သာလှဦး)

မှတ်ချက်။ ။ မြန်မာကဗျာ

ရခိုင်သား (နှင့်) ရခိုင်သမ

ရခိုင်သား (နှင့်) ရခိုင်သမ
================

ရခိုင်သမ အလှပမှာ
မိဘဥစ္စာ ကြွယ်ဝပါလည်း
ပညာရတနာ ပြည့်ဝပါလည်း
ဇာတိနာကျ ဖျောက်မရ --။

(ရ) ရခိုင်သား ရင်ဖတ်ကားကား
အားကောင်းမောင်းသန် လက်ဖံလက်မောင်း
သံမဏိချောင်း --။

"ရခိုင်ကြီး" ကွ
မြှောက်ပင့်စကား နားမလည်ငြား
ရခိုင်သားမှာ 
ရပ်စောက်ရပ်လျှက် မာနတက်သော် --။

နဖူးကျည်သင့် ၀မ်းအူပွင့်၏
လွင့်ကျအကောင် ဖက်ဖူးရောင်သည်
ဒူးထောင်ပက်လက် ဂျွန်းထိုးတည်း --။

(သာလှဦး)

 

သင်္သရာ

သင်္သရာ
====

လူ့မစင်
ဝက်အစာ --။

(သာလှဦး)

ဌက္ကဥ

ဌက္ကဥ
===

ဂဟဇာ တက်ခါ
ဥက္ကဌ --။

ဂဟဇာ ကျခါ
ဌက္ကဥ --။

(သာလှဦး)

ထထောင်

ထထောင်
=====

"၀" မဟိဘဲ
"၀ိ" လုပ်ချင်လျှင်
သင်သည် "ထထောင်" ဖြစ်လိမ့်တကား --။

(သာလှဦး)

ဝကန်

ဝကန်
===

ရကေ ချီကျူး
မရကေ ချလူး --။

(၀ရင်းတုတ်)

(June 26, 2005)

ခေါက်ရမ်းပွင့်သော သဇင်

ခေါက်ရမ်းပွင့်သော သဇင်
=================

မျိုးချစ်တေဟု၊ ဆိုပေလှာသော
ရာဇ၀င်ခန်း၊ တော်ဝင်နန်းက
ပန်းလှသဇင် --။

သင်ပွင့်သောပန်း၊ အဆန်းအကွန့်
လိမ်အတွန့်ဖြင့်၊ အညွန့်အဖု
ဝတ်ရည်စုလျှက်၊ နုနုပျိုပျို
စိုစိုရွှန်းရွှန်း၊ လွန်ထူးဆန်းလည်း
ခွဲခြမ်းသေချာ၊ စီးစစ်ပါသော် --။

ညှာတံအရိုး၊ တမျိုးတမည်
ပင်စည်ကားကား၊ ၀မ်းဖားဖားဖြင့်
အနားလိပ်ပြာ၊ သန်းမလာသော
ဗလာနတ္ထိ၊ မွှီးပျံ့မဟိ
ပကတိလျှင်၊ ပီပြင်ထင်ရှား
ကားကားပွင့်လန်း၊ ထိုသည်ပန်းမှာ
ခေါက်ရမ်းပန်းကြီး ဖြစ်နီသတည်း --။

(မောင်သာလှဦး)

(မြန်မာစာဆို ရခိုင်သမများအားလွမ်းခြင်း)

ရခိုင်သတ္တိ

ရခိုင်သတ္တိ
=====

ရခိုင်သတ္တိ ကမ္ဘာသိအောင်
ခြင်ထောင်ထဲက ပစိကိုက်ပြ
လျှာထုတ်ပြကတ်
လက်သီးဆုပ်ပြ မျက်ပြူးပြကတ်
အာဂသတ္တိ ဟိသောကြောင့် --။

(သာလှဦး)

ပညာဟိဖင်ပေါက်

ပညာဟိဖင်ပေါက်
============

ဂျီဝါဂျိဝိ ပညာဟိနှစ်ယောက်
တယောက်က (ဧ) မှာ အောက်ကပေါက်
နောက်တယောက်
(မှာ) မှာ ဟဆွဲဖျောက်
ဂျီဝါဂျီဝိ ပညာဟိဖင်ပေါက်
စာလုံးပေါင်းကေ မောင်လောင်းမှောက် --။

(ထိုးကန်းချေ)
Nov 5, 2014 Wed ဗုဒ္ဓူးနိ

မေပိုးဝါ

မေပိုးဝါ
====

နှာတံသွယ်စင်း ၀င်းဝင်းလည်းပြောင်
ဆံကေသာကို ယဉ်စွာထုံးကေ
ပိတုံးရောင်နှင့်
မျက်တောင်ကော့ကော့ ယမင်းဖော့သို့
ကြော့ယှင်းဣိနြေ္ဒ
ကျွန်းဇမ္ဗူမှာ လူထက်မြတ်ကေ
နတ်မိမယ်ချေ --။

ပန်းသဇင်သို့ တော်ဝင်နန်း၌
ပန်ထိုက်တေ --။

(သာလှဦး)

အောင်တံခွန်ကျိန်စာ

အောင်တံခွန်ကျိန်စာ
=============

ရခိုင်သားမှာ
မြန်မာဘုတ်ပျက်ကိုတက်စီးပါလတ်ကတ်စွာ
နှစ်ပေါင်း (၆ရ) ဟိလားပျာ
အရာလည်း တက်စီးချင်ကတ်သိမ့်လား
ဝမ်းပေါက်ပြီးကေ
ဒုက္ခရောက်ကေလည်း မမှတ်လား --။

ပြည်ထောင်စုမြန်မာနိုင်ငံတော်လည်း
အောင်တံခွန်ဘုတ်ပျက်ယှောင်
ထိုကပေါက် ဒေကဖာ
ဒုံနာ ပိသာပြတ်ထီးကေလည်းမနိုင်
လေးဟပ်ယိုင်လို့
ပြို ဖို့ကန်နီစွာကို
ငသပြေပက်ခုံးနှင့်
ကျားကန်ထားသိမ့်ရေ --။

ထမ်းလို့မရ လောက်ကျကေ
ရက်ပြတ် ငလျှင်လှုပ်တေ --။

တနားကေ လက်ပံတောင်သပိတ်
တနားကေ ကျောင်းသားသပိတ်
ဖုန်းကြားသျှင်လည်း မခံနိုင်ကေ
တီးထည့်ပစ်လိုက်စွာ
မြန်မာဖက်ခွက်တိ အပုတ်ပြတ်သီရေ --။

ယေကေလည်း မမှတ်
လူသတ်မှ ထမင်းစားရ ၀မ်းဝရေ အကောင်တိ
ယင်းလောက်ထိ ငတ်ကတ်တေလား
အခုထက်တိ သတ်မတော်ထဲကို
ဝင်နီကတ်သိမ့်ရေ --.။

အောင်တံခွန်ကျိန်စာခစ်လို့
ဖက်ခွက်တိ တနိမင်းရို့အားလုံး
ဝဋ်လိုက်လိမ့်မည် ---။

(သာလှဦး)

ပူး

ပူး
==

အစွယ်နှစ်ချောင်းခေါလို့
ဗီဇပါလာစွာလားမသိ
သွားပေါက်ဖို့ ကြံဒရာသိမ့်
ကိုက်ဖို့ တာစူထားဗျာ --။

အချေလို့ အထင်မသေးလိုက်ကဲ့
အကိုက်ခံရကေ
ငကြေးစူးစွာထက် အီးရေ --။

ပီမက
ဝါးမကလို့
ကျောက်ထက်မာကေလည်း မထီ
တခဏနှင့် ချက်ချင်း
ထွတ်ထွတ်ကြီရစီမည် --။

တတွင်းအောင်းကေ တလုံးကိုက်
နှစ်တွင်းအောင်းကေ နှစ်လုံးကိုက်
သုံးတွင်းအောင်းကေ သုံးလုံးကိုက်
သုံးနှစ်ရာ အောင်းဒရာသိမ့်
သုံးလုံးကိုက်ပစ်လိုက်ပျာ
အရာ ဇာလောက် လာအုံးမည်မသိ --။

(ထိုးကန်းချေ)

မှတ်ချက်။ ။ ရခိုင်စကားမှာ (ပူး) ကို ဇာခေါ်ရေလဲ အတိအကျမသိပါ။ သိလူဟိကေ ပြောပြပီးခပါ။ ပြန်ပျင်ပီးပါမည်။

ဆီး

ဆီး
==

အိုက်ကေ့ကေ
ဝိုက်ထည့်လိုက် --။

(သာလှဦး)

ရဲ့ (ယေ့) (ဧ့)

ရဲ့ (ယေ့) (ဧ့)
======

အပေါက်မှား၍
အောက်ကားပြောင်းပြန်
ပက်လက်လှန်သည်
(အံ) ဖို့ (ရွံ့) ဖို့ ကောင်း၏တည်း --။

(သာလှဦး)

ရခိုင်သားနှင့် အောက်ပေါက်ဝါဒ

ရခိုင်သားနှင့် အောက်ပေါက်ဝါဒ
====================
 
ရှောက်ကြည့်လိုက်ပါ
ယောက်ျားဖြစ်ပြီး
ဆရာကြီးမှာ
အောက်ကအပေါက်မှားနီရေ --။

(သာလှဦး)

ပါရာစိက လေးပါး

ပါရာစိက လေးပါး
===========

လူမှာ လူသတ်မှု
ဘုန်းကြီးမှာ ကာမမှု
တော်လှန်ရီးမှာ လက်နက်ချမှု
စာပီမှာ သတ်ပုံဖျက်မှု
လေးမှုပါရစိက
မလွတ်ကလျှင် ပါယ်ရွာလားခြင်းအကြောင်းတည်း --။

(သာလှဦး)

သာသနာဖျက် သတ်ပုံပျက်

သာသနာဖျက် သတ်ပုံပျက်
================

သီရာသီဖို့
ဝမ်းကျမတန့်
လစန့်ကောင်ခါနီးသော်လည်း --။

(သာလှဦး)

ဝချေတန်း ဂဏန်းသင်္ချာ

ဝချေတန်း ဂဏန်းသင်္ချာ
===============

တစ်နှစ် = ပျိုးပင်စိုက်
သုံးလေး = သြဇာကျွေး
ငါးခြောက် = အညှောက်ပေါက်
ခုနှစ်သျှစ် = စပါးဖြစ်
ကိုးတဆယ် = တလင်းလယ်

(သာလှဦး)
 

အံဖတ်

အံဖတ်
======
 
ကြော်ငြာကောင်းလည်း ရောင်းလို့မစွန်
ဖက်ဖူးရောင် မောင်ပေါင်တုတ်
အပုတ်စိုနံ --။

(သာလှဦး)

လူမိုက်ရာဇ၀င်

လူမိုက်ရာဇ၀င်
==========

အဖသည်က နောက်မယားမြန်မာမနှင့်
ခိုးရွာလိုက်ပြီးလားခလို့
အမိသည်မှာ အချေတရွီ ဘုစုခရုတိနှင့်
မဆမဖြစ်ကျန်ခရေ --။

ယေကေလည်း ဘုစုခရုအချေတရွီ
မျက်နှာမငယ်ရအောင်
သမ္မာအာဇီဝ လမ်းဘေးခွဆုံမှာ
ပြောင်းကျည်နှင့် မီးမှုတ်
ယပ်တလက်နှင့် ယင်လိုက်လို့
ငါရို့တိကို မုန့်တီရောင်းလို့ လုပ်ကျွေးခရေ --။

လူမွဲကိုနတ်မြင်
ကံမကောင်း အကြောင်းမလှစွာမှာ
အရာတခါ
ဇရာလာထောင်းကေ
နဂိုက လေးဟပ်ယိုင်နီစွာကို
နောက်က ကျောက်သတ်ပစ်လိုက်စွာနှင့်တူရေ --။

ဆီးရုံတက်လို့
သွီးသွင်းခီပြန်ကေလည်း
သွီးလှူသျှင်ကိုယ်တိုင်၌က
(ဧ့) ကပ်ပါလာ
အများမကြာ
အမိသည်မှာ
ဆီးရုံကဆင်းလို့ နှစ်ရက်မကြာ
ချောပါလားခရေ --။

အမိသီကျလားခကေလည်း
အားမငယ်လီပါကဲ့
မဖြစ်နိုင်ရေ
ကျောက်ထရံကို
နဖူးနန့်တိုက်ဖို့
သားလူမိုက်
အသက်ရှင်နီပါသိမ့်ရေ --။ ။

(ရခိုင်ပေါင်းကူး သာလှဦး)
ဇန္န၀ါရီလ (၁၃) ရက် အင်္ဂါနိ။ ၂၀၁၅။

ဒုသနသော

ဒုသနသော
=======

(ဧ့) လတ်
ရွံဖို့ကောင်းလိုက်တေနန့်
မသထီ နလုံးပျို့လိုက်တေ
စာပီ၏အညှီအဟောက်
ခွီးပုတ်လောက်ကျ
အ၀ီးက အနံ့မခံနိုင် ---။

အယားယားအပါးပါး
လျှာရည်တသောသောနန့်
အနားကို လားခီကေ
သွားခြဲထားသိမ့်ရေ ---။

ဘုန်းကြီးပါရာစိက
လူပါရာစိက
မမဗေးဗီမ
သုံးစားမရ
ဒုသနသော --။

(သာလှဦး)

အမောင်ယခီး

အမောင်ယခီး
========

ဘယာစီယာဝတ်လို့
ရီကူးဘောင်းဖီနန့်
ခရမ်းသီးဇတ်မှာ
ဝါ၀ါနိုင်ချိတ်ခါ
ပရိသာတ်က အားပါ
ခေါင်းချေငေါက်စောက် ထောင်လို့လာ --။

အားနာပရ
ရခိုင်သားရဲသားက
ထိုင်ပါပြောခါ နားမထောင်
(ဟေ့ကောင် ယခီး)
တချက်ငေါက်လိုက်စွာနန့်
အမောက်ချေ
ဂေါက်ကျလားရေ --။

တရားသံဝေဂ
ရဖို့ကောင်းရေ --။ ။

(သာလှဦး)

မူရင်း၊ ၊ မီးမှုတ်ကျင်သန်ကဗျာပျောက်လားခလို့ မှတ်မိသလောက် ပြန်ခံစားပြီးကေ ရွီးလိုက်တေအတွက် မူရင်းကဗျာနှင့် တိုက်ဆိုင်ကြည့်ကေ ဇာကွာလဲ သိနိုင်ပါသည်။

ပိုးထိုးလောက်ကိုက် (ဧ့) ကိုက်နီသော ကဗျာများ

ပိုးထိုးလောက်ကိုက် (ဧ့) ကိုက်နီသော ကဗျာများ
===============================
 
မော်ဒဲယ်မချေတယောက်
ဇာလောက်လှလှ
ဇာလောက်နွဲ့ပျောင်းနွဲ့ပျောင်း
(ဧ့) ကိုက်နီမှန်း
ပရိဿတ်က သိထားကေ
စင်မြင့်ထက်မှာ
အခါတရာ လမ်းလျှောက် လမ်းလျှောက်
မပြောချင်လို့ရာ ဟိလီဖို့
(စိတ်ထဲမှာ)
မသထီ နှလုံးပျို့မိဖို့စွာ အမှန် --။

ထိုနည်းလည်းကောင်း
အသင်၏ကဗျာ
ဂန္ဓ၀င်မြောက်လောက်အောင်
နုနုရွရွ လှလှပပ
ဇာလောက်ပင် ဆွဲဆောင်မှု အားကောင်း အားကောင်း
ရွှေရည်လောင်းထားကေလည်း
ရသမမြောက်
အလင်္ကာမမြောက်
စာပီ၏အညှီအဟောက်
ပိုးထိုးလောက်ကိုက်
မြောင်းထဲကို
ဝေးပစ်လိုက်ရဖို့စွာဗျာယ် --။

သမိုင်းမှတ်ကျောက်တင်ရေခါ
မျက်စိကြက်တက်နန့်
ငယက်ချေပိုင်ဖြစ်ဖို့ယေ --။

(သာလှဦး)

အနှိပ်ခန်းကပန်း

အနှိပ်ခန်းကပန်း
============

ကိုယ်ခြီကေ လီမဖြစ်
ကိုယ်ကြိုက်ကေ (ဧ့) ကိုက်နီကေလည်း
အရေးမစိုက်
ခိုးခိုးရွာလိုက် --။

(သာလှဦး)
ဒီဇင်ဘာ (၅) ရက် သောက်ကြာနိ 2014

ဝဋ်နာကံနာ

ဝဋ်နာကံနာ
=======

သုံးနှစ်သုံးမိုး ချစ်ကြိုက်လို့
ခိုးရွာလိုက်ဖို့ကျခါမှ
(ဧ့) ကိုက်ခံရ --။

အသဲနစ်အောင်ချစ်ကေလည်း
မဖြစ်နိုင်ရေ ဘ၀ --။

အသုံးမကျ
နပျိုးတုံးကို ခေါင်းအုံးလို့
ကိုယ့်ထိုက်ကိုယ်ကံ
ကျန်ခ --။

သာလှဧူး (မြောက်ဧူး)

မောင်ပြောင်းတိုက်သို့ အိပ်ဖွင့်ပီးစာ

မောင်ပြောင်းတိုက်သို့ အိပ်ဖွင့်ပီးစာ
======================
 
ပြောခါစကား ပစ်သားမဟိ
မိုးသို့ထိယောင်
အာဘောင်အာရင်း
ငြင်းခုန်ခြင်းကြောင့်
ဝမ်းတွင်းလည်းနာ
ဒူလာပါဒရ
ဖြစ်ကြပါ၏ --။

စေတနာနှင့်
ဝင်ကာပြောကေ
သဘောမကျ
မြှောက်ပင့်ပြောခါ
အားကြီးရလို့
ငါးသလောက်ကို
ဆားနူးနူးနှင့်
ဖြူးထားမျှက်နှာ
တခွီးခွီးကေ
ဝမ်းကြီးသာရေ --။

လွတ်လပ်ရီးကို
တောင်းလို့မရ
တိုက်မှရရေ
ဆိုကေလည်းသင့်
ဂိုးချေတိုက်စွာ
ပြောင်းတိုက်စွာလား --။

တခေတ်ပြီးတခေတ်
တနှစ်ပြီးတနှစ်
တိုက်ပါလတ်စွာ
ကုလားကိုရာ လက်နက်ရောင်းလို့
ဘုန်းကြီးကျောင်းမှာ
တောင်းစားကပ်စား လုပ်စားမမြင်
ဗမာဘားမှာ
အလင်းဝင်ရေ --။

အလှပလှ
ကြောင်ကျမကျ
ခွီးကျကျရေ --။

(အဘာလေ)
အေပိုင်တော်ရေ ရခိုင်မသား
ကုလားကွမ်းယာ
ဗမာသကာ ထညက်စား --။ ။

မောင်ချစ် (ရခိုင်ပြည်)

ဇန္န၀ါရီ (၁) ရက်နိ ရခိုင့်တော်လှန်ရီးနိကို ကြိုဆိုခြင်း

ဇန္န၀ါရီ (၁) ရက်နိ ရခိုင့်တော်လှန်ရီးနိကို ကြိုဆိုခြင်း
=================================

မဟာမုနိကို သွန်းလုပ်ပြိးစီးသည့်
ကဆုန်လပြည့်ကျော် (၁) ရက်နိကို
(ရခိုင်အမျိုးသားနိ) အဖြစ်
သတ်မှတ်နိုင်လိုက်ပျာ --။

ဒီဇင်ဘာ (၃၁) ရက်
ရခိုင်ပြည်အချုပ်အချာကျရေနိမှာ
ရခိုင်သားတိ
ဒူးချေကိုထောက် ငုတ်စုတ်ထိုင်ပျာ
လဒမှိုင် မှိုင်မနီကတ်ဘဲ
(၃၁) ရက်နိမှာ အချုပ်အချာကျကေ
ဇန္န၀ါရီလ (၁) ရက်နိကို
ရက်မခြား တော်လှန်ရေးနိအဖြစ်သတ်မှတ်ပြီး
ဖက်ခွက်တိကို ဆက်တော်လှန်ကတ်မေ --။

နှစ်သစ်ဆန်းစ ဇန္န၀ါရီ (၁) ရက်နိ
မင်္ဂလာဟိရေ ရခိုင့်တော်လှန်ရီးနိမှာ
ရက္ခိုင့်တပ်မတော်၏ရက္ခိုင့်အောင်လံတော်
ရခိုင့်တပ်တော်ဦးထိပ်
ဝံလက်တောင်ဖံခတ်ယှောင်
တဖြောင်းဖြောင်းရိုက်ခတ်နီစွာ
မြင်ချင်ရေ --။ ။

(ရခိုင်ပေါင်းကူး သာလှဦး)
Nov 15, 2014 စနီနိ။

နတ်ကောင်းမ

နတ်ကောင်းမ
=======

အတတ်ဆန်းပြီး
အချွန်းတပ်ကေ
နတ်ကောင်းမယှောင် ဖြစ်ဖို့ယေ --။

(သာလှဦး)

တပည့်မှ ဆရာသို့ ဆုံးမစာ

တပည့်မှ ဆရာသို့ ဆုံးမစာ
==============

ဆရာဂျီဝိ မျက်စိပြာပြာ
(ရ) ရခိုင်စာ
ငယ်ရွယ်စဉ်ခါ သင်ယူပါ ---။

(သာလှဦး)

ရိုးလှသန္တာ (နှင့်) သဇင်

ရိုးလှသန္တာ (နှင့်) သဇင်
 =============

သဇင်ထက်
ရိုးလှသန္တာကို ပိုချစ်တေ --။

ဇာဖြစ်ဆိုကေ
ရိုးလှသန္တာ အညှာအနီနန့်
ပွင့်ချပ်ဖြူရေ
ရခိုင့်အောင်လံတော်ကို
ဖော်ကျူးနီစွာဖြစ်တေ --။ 

အခုခေတ် သဇင်က
ဇတ်ပျက်ပျာယ်
အိမ်နောက်ဖေးမှာ ဘောက်သာဆိုးနန့်
နွားချီးအုံလို့ ပွင့်စွာများရေ --။

ယေဇူး
တချက်လီသလပ်စွာနန့်
ဘောက်သာဆိုးနောက်
ကောက်ကောက်ပါလားရေ --။

သဇင်သဇင် အမွှမ်းတင်
သဇင်လီပင့်
ဖုန်းဆိုးတောမှာ ပြာဆိုးရွှင့် --။

ရိုးလှသန္တာ အညှာနန့်
ပန်ရေလူမှာ ရည်းစားနန့်
သူ့ရည်းစားက ရခိုင်သား
ရာမောင်ကမ်းက မင်းပြားသား --။ ။

(သာလှဦး) 

ရခိုင်ခုနှစ်ရက်သတ္တတပါတ်

ရခိုင်ခုနှစ်ရက်သတ္တတပါတ်
==================

တလဂုင်္နီ တလင်္လာ
နိမြတ်ရက်ရာဇာ --။

အင်္ဂါ ဗုဒ္ဓူး
ရွှီမြို့မြောက်ဦး အောင်သံကျူး --။

ကသစ်ဗုဒ္ဓိ သောက္ကြာ
စည်တော်လည်းတီး မင်္ဂလာ --။

စနီ နဂါးမောက်
အခေါင်မိုးသို့ရောက် --။

(သာလှဦး)

ပိုးမီးစုန်း

ပိုးမီးစုန်း
===

တန်းဆောင်ဘုန်း လပြည့်နိ
အာကာထက်မှာ ကြယ်ချေလက်လက်
ဝင်းခြံဒေါင့်မှာ ပိုးမီးစုန်းလည်း အရောင်ထွက်
မီးပုံးချေပိုင် ပျံလို့တက်
တဖြက်ဖြက် တဖြက်ဖြက် ---။

(သာလှဦး)

ကွက်လပ်ဖြည့်ပါ ကဗျာအမှတ် (၂)

ကွက်လပ်ဖြည့်ပါ ကဗျာအမှတ် (၂)
=====================

ရခိုင့်စာပီလောကလည်း
ရခိုင့်တော်လှန်ရေးလောကယှောင်
ဘရုသုက္ခ ဖြစ်ချင်တိုင်းဖြစ်
ပျက်ချင်တိုင်း ပျက်နီကတ်တေ --။

တနားနီကေ တက်လာပြန်ပျာယ် တလုံး (သိ့)
တနားနီကေ တက်လာပြန်ပျာယ်တလုံး (ဧ့)
တနားနီကေ တက်လာပြန်ပျာယ်တလုံး (ဟြင်)
တနားနီကေ တက်လာပြန်ပျာယ်တလုံး (မာ)
အေအလုံးတိရာ ဗုံးတိဖြစ်လားဖို့ဆိုကေ
မြန်မာစစ်တပ်ကို မိုးကြိုးပစ်ယှောင်
ဗုံးမိုးကြိုးပစ်လိုက်ဖို့ --။

အခုဖြစ်နီစွာက ဗုံးကတော့ (ဗုံး)
ယေကေလည်း (---------) ။

(ရခိုင်ပေါင်းကူး သာလှဦး)
Nov 17, 2014 (တလင်္လာနိ)

ကြက်ဥကြိုက်သူများသို့

ကြက်ဥကြိုက်သူများသို့
================

နောက်ကုန်းကို ဒုတ်ပိုင်းကျလို့
နွားပိုင် အသတ်ခံနီရကေလည်း မမှတ်
ဖက်ခွက်ကိုရာ 
ယောက်ဖခေါ်ချင်နီကတ်
အလှပလှ အာရီယံဆီဆွတ်
တနီသတ် ---။

(သာလှဦး)

အသုဘနှင့် မှိုရမျက်နှာ

အသုဘနှင့် မှိုရမျက်နှာ
==============

ဒီဇင်ဘာ (၃၁) ရက်
ရခိုင်အချုပ်အချာကျရေနိကို
အမိမှာ နောက်လင်ရယှောင်
ပျော်ကြီးကျ ကျင့်ပ --။

ဇန္န၀ါရီ (၁) ရက်
ရခိုင့်တော်လှန်ရေးနိကျ
ကျင့်ပကတ်ဖို့ အတွက်မပေါ် --။

အေပိုင်တော်ရေ ရခိုင်မသား
ဘုရားကိုပိုင် ရုပ်ထုထုလို့
ရွှေကွပ်ပြီးကေ
ကိုးကွယ်ထားဖို့ ကောင်းလိုက်တေကား --။

ရခိုင့်တော်လှန်ရီးနိကို
မကျင့်ပနိုင်သရိ
လွတ်မြောက်ရီးနိဗ္ဗာန်ကို
တခါလည်း မျက်မှောက်ပြုနိုင်လိမ့်မည်မဟုတ်
(၃၁) ဘုံမှာ ကျင်လည်ပြီးသနာ
ပြိတ္တာဘ၀နှင့်
အဆုံးသတ်ရလိမ့်မည် သူငယ်ချင်း ---။ ။

မောင်ပေါက် (ရခိုင်ပြည်)
December 2, 2014

အတိတ် (နှင့်) ပစ္စုပ္ပန် (၃)

အတိတ် (နှင့်) ပစ္စုပ္ပန် (၃)
================

အယင်ခါ
ဆင်စီးလို့ ရွှီထီးဆောင်းခ ---။

အခုက
လားစီးဗျာ
တောက်ကျာဆောင်းရ ---။

(သာလှဦး)

ကိုယ့်ငပိ ကိုယ်မွှီးနီကတ်သူများအကြောင်း

ကိုယ့်ငပိ ကိုယ်မွှီးနီကတ်သူများအကြောင်း
==========================

(အဘာလေး)

ရွာဆိပ်က အနံ့
ရွာထိပ်က မခံနိုင်
ကိုယ့်ငပိ ကိုယ်မွှီးနီကတ်တေ
ဘဇောင်ပိုင်လဲ ဂု ---။

အလှပလှ တနီသတ်
ခချီးကို
ရ မွှီးဆွတ်ထားယှောင် ---။

(သာလှဦး)

ကွက်လပ်ဖြည့်ပါကဗျာ အမှတ် (၃)

ကွက်လပ်ဖြည့်ပါကဗျာ အမှတ် (၃)
=====================

စတန့်လည်းထွင်
(--------------) ။

(သာလှဦး)

ရခိုင်စာပီ

ရခိုင်စာပီ
=====

စတန့်လည်းထွင်
လစန့်ကင် ---။

တပင်တိုင်က
ဂျွန်းပြန်ကျ --။

ယကန်ယကန်
ပပျလန် --။

(သာလှဦး)

ကုလားဖန်ထိုးသူများအကြောင်း

ကုလားဖန်ထိုးသူများအကြောင်း
===================

ဂျီဝိဂျီဝါ
ငလိငလည်
အရည်မရ အဖတ်မရ
ကျမိကျရာ
ဗြန်းစိကာရ စကားပြောပြီးကေ
မျောက်မှာ သပြာရယှောင်
အချိတ်ကြီးတက်လို့
ဝမ်းကြီးသာလို့
ပျော်မနီပါကဲ့ တချက် --။

အမြင်ကပ်လို့
မြင်းကျောက်ခံရခါ
လိပ်ပိုင် ထလန်းကားလန်လို့
ယကန်ယကန်နန့်
ဂြိမ်သီသီဖို့ယေ ---။

စားပါလီဖိသကာ
ကိုးက ထောင်သတ်ပစ်လိုက်ကေ
တစ်စိ ၀င်လို့
(ဘူ) ကျ လားခယင့် --။

ယနာနာနန့်
ဖဲဝိုင်းပြီးလို့
ပွဲသိမ်းခါ
ဆရာသမားမှာ
(ဗျ) ကျန်ယင့် --။

(ဟိဟိဟားဟား ဟိဟိဟားဟား)
ဗြားစားလားခပျာယ်
အရာလည်း
ခြီခန့်သိမ့်လား
ငြောင့်ငြောင့်ချေ မတွိလား --။

(သာလှဦး)
December 10,, 2014 ဗုဒ္ဓူးနိ

ရခိုင်သားနှင့် (ဧ့) အဘိဓါန်

ရခိုင်သားနှင့် (ဧ့) အဘိဓါန်
================

ဇာလောက် လှလှ
ဇာလောက် ဖြူ ဖြူ
ဇာလောက် ၀င်းဝင်း
ဇာလောက် ပြောင်ပြောင် ---။

ဇာလောက် တော်တော်
ဇာလောက် တတ်တတ်
ဇာလောက် သိသိ
ဇာလောက် မှန်မှန် --။

ဇာလောက် ချစ်ချစ်
ဇာလောက် ကြိုက်ကြိုက်
ဇာလောက် မိုက်မိုက်
(ဧ့) ကိုက်ကေ လားပျာ --။ ။

(သာလှဦး)
December 11, 2014 ကြသားပတီး (ကသစ်ဗုဒ္ဓိ) နိ

ရခိုင်သားစာ ရခိုင်စာ

ရခိုင်သားစာ ရခိုင်စာ
============

ကြန်စုံနှစ်ဆူ
တစ်ဆူကကျွဲ တစ်ဆူကနွား
ကျုပ်များကျွံ ကွင်းပြင်လှမှာ
မြက်ရှာစား --။

အပ် (ရီး) ထွန် (ရီး)
ထို အ (ရီး) က
စာ (ရီး) ခြင်းမှာ
ဖြစ်လာပါ၍
(ရီး) ကတ်ပါသည် ရခိုင်စာ --။

(ရဲ့) ကစ၍
(ယေ့) ဖြစ်တဖန်
တဖန် (ဧ့) ဖြစ်
ရိနာလိုက်သည်
အဖြစ်ဆိုဝါးလှရေကား --။

မာမာကျန်းကျန်း
ကျန်းကျန်းမာမာ
ကျမ်းမှာကျန်းမာ
ရောထွီးလာသည်
(အဘာငါ့သား) တော်ရေကား --။

တယောက်က (၏) ယောက်က (ဧ့)
တယောက်က (မှာ) တယောက်က (မာ)
တယောက်က (လာ) တယောက်က (လှာ)
ရခိုင်သားစာ ရခိုင်စာ --။

ဆရာများ သားသီ
ထုတ်မှာလည်းသတ် ယောက်မှာသတ်ကေ
ထွတ်ထွတ်ကြီ --။

(သာလှဦး)
12/12/2014 (သောက်ကြာနိ)

သာဓု အနုမော ဒနာ

သာဓု အနုမော ဒနာ
============

တော်လှန်ရေးလောကမှာလည်း
သပွတ်အူလိုက် --။
စာပီလောကမှာလည်း
ရိနာလိုက် ---။

နိဗ္ဗာန်မဂ္ဂဖိုလ်ကို
ရက်တိုတိုနန့်လိုချင်ကေ
တောထွက်ပြီး
ကမ္မဌာန်းထိုင်ဖို့မလို --။

ဖုန်းတလုံးနန့်
Sim Card တကပ်ဝယ်လို့
Facebook ထက်
တက်ပါလတ် --။

တပါတ်မကြာ
ကိလေသာနန့် အာသဝေါကုန်ခမ်း
မယားတန်းလန်းနန့်
ရဟန္တာဖြစ်ဖို့ --။ ။

သာလှဧူး (မြောက်ဧူး)
December 22, 2014 (တလင်္လာနိ)

သဘာပတိကြီးနှင့် မင်းပရိသာတ်

သဘာပတိကြီးနှင့် မင်းပရိဿတ်
===================

ဆက်လုပ်ဆက်လုပ်
လက်ခုပ်ဖြောက်ဖြောက်
ပြိုင်းသားဒေါက်နှင့် 
ထောက်ခံပါသည် --။

သာလှဧူး (မြောက်ဧူး)

တဒေသက တကြက်တွန်

တဒေသက တကြက်တွန်
================

(တေးခြင်း)

ဘင်္ဂလာဒေ့ခ်ျ တောတောင်စခန်းမှာ
ကျက်စားလားတဲ့ ဗိုလ်အောင်ကျော်ပါ
ဗမာတွေကို တွန်းလှန်ခဲ့တာ
သေနပ်တောင်က သံချီးကိတ်လားခယာ --။

ညီညွတ်ရေး ညီညွတ်ရေး
ညီညွတ်ရေးလို့ ကြွေးကြော်ရေ
လုပ်ခီပြန်ကေ စောက်တလွဲကြီး
တိုင်းပြည်ဦးစီး တက်မကိုင်
ထိမ်းသိမ်းမနိုင် ကရားငါးပါး
(ထိမ်းသိမ်းမနိုင် ကားရီကားရား)
ပါတီအများ ကွဲလိုပြို
တရုတ်မျက်နှာကို ၀က်ကြည့်မရ
(တယောက်လုပ်စွာ တယောက်ကဖျက်)
တဒေသက တကြက်တွန်
သူရို့အမှန် တကွဲတပြား
သေနပ်အများ ကိုင်ထားစွာ
မျောက်လက်ထဲမှာ သပြာရလို့
မာနမိုးသို့ ကော့လို့ထောင်
တယောက်တတောင် တကောင်တမင်း
(တယောက်တကောင် တတောင်တမင်း)
ကိုယ်ရို့အချင်းချင်း သတ်လို့ပင်
အားလုံးကားစင် တင်ကတ်ရဖို့
မောင်မင်းကြီးရို့ ထုတ်ကာပြန်
စကားလွန်သီဒါဏ်အပြစ်
စကားလုံးကြီး ဆို့မနိုင်
တိုက်တိုက်ဆိုင်ဆိုင် ထန်းသီးလုံးလောက်
(တိုက်တိုက်ဆိုင်ဆိုင် ဓပြုတ်သီးလောက်)
အမှောက်မှောက် မှားပြီးသကာ
ပြောရေအခါ ပစ်သားမဟိ
လုပ်တေအခါ တနီသတ်ခချီး
လွတ်လပ်ရီးသို့ ခရီးနှင်
လမ်းခုလပ်တွင် အလင်းမ၀င်ကဲ့
လွတ်လပ်ရီးသို့ ခရီးနှင်
သူ့ထက်ငါယင် လက်မြှောက်ဒူးထောက်
လူတချို့က ပြောကတ်တေ
ပညာတတ်ကေ ဖောက်ပြန်ရေလတ်
(ပညာမတတ်ကေ တော်ရေလတ်)
အောက်ဆီအောက်ဆတ် ဆိုလတ်တေ
ပညာမတတ်စွာ ဂုဏ်ကိုယူလို့
(ပညာမတတ်သူ အာဏာယူလို့)
ဗဟုသုတ လေ့လာပါ
များများဖတ်ပါ စာအုပ်အများ
ဝါးတုတ်ကိုစား အမြဲနီ
အချိန်ကိုလေ မဖြုန်းကတ်ကဲ့
စေတနာနန့် ပြောလိုက်တေ
မာန်ပါရေဆို လဲလို့သီလိုက် --၊ ။

(သာလှဥိး)

သက္ကရာဇ် (၂၀၀၀) ရခိုင်သင်္ကြန်တော်လှန်ရီးသံချပ်။ လွန်ခရေ (၁၅) နှစ်က ဖြစ်ရပ်မှန် သံချပ်ဟောင်းတပုဒ်ပါ။ တချို့အပိုဒ်တိ ပျောက်လားခပြီးဖြစ်သည်။ ပြန်တွိရေအပိုဒ်တချို့ကို အမှတ်တရ ပြန်တင်ပီးလိုက်ခြင်းဖြစ်သည်။

ဝိဘစ္ဆ

ဝိဘစ္ဆ
====

ဒဿဂီရိ
တောင်ဆယ်လုံးကို ပိုင်စိုးအုပ်ချုပ်
ဖရုဿလူကြမ်း
ဇတ်လမ်းကို ပတ်ကြမ်းနန့်လိုက်
ပရိဿတ်မကြိုက်ခါ
ကျောက်ခဲပစ်ခံရရေ --။

ဆာရီကို ပဒရီကျိတ်
နခေါင်းမှာ ထုံးကြောင်း
အလောင်းတော် ဝေသန္တရာ
ပါရမီပြည့်ဖို့
အဖြည့်ခံဘ၀
ကြံဖတ်နန့် ဒုတ်ပိုင်းကျရေ --။

လူကြမ်းကို အကယ်ဒမီ ပီးပီး မပီးပီး
အရေးမကြီး
မင်းသားနန့်မင်းသမီး
ရွှီစင်ဆုကြီးနန့်
ပရိဿတ်လက်ခုပ်တီးကေ
ပျော်ရေ --။

(သာလှဧူး)
December 29, 2014 (တလင်္လာနိ)

မီးမှုတ်ကျင်သန်

မီးမှုတ်ကျင်သန်
========

ဘရာစီယာဝတ်လို့
အတွင်းခံဘောင်းဖီနန့်
ဝက်ခေါက်ကိုထုတ်
လှုပ်ခါလှုပ်ခါ
ခရမ်းသီးဇတ်မှာ
ဝါ၀ါနိုင်ကခါ
ပရိသာတ်က အားပါ
ခေါင်းချေငေါက်စောက် ထောင်လို့လာ --။

အားနာပရ
ရခိုင်သားရဲသားက
ထိုင်ပါပြောခါနားမထောင်
“ဟေ့ကောင် ယခီး” လို့
တချက်ငေါက်လိုက်စွာနန့်
ပင့်ခူကိုမြင်ရေ မြွီဟောက်အမောက်
“ဂေါက်” ကျလားရေ --။

အလှပလှ အားကောင်းမောင်းသန်
ကျင်သန်က ကျင်သန်
(ယေကေလည်း) ထမင်းချက်ခန်းက
မီးမှုတ်ကျင်သန်
(------)။

(သာလှဧူး)
မှတ်ချက်။။ ကွက်လပ်ဖြည့်ပါ ကဗျာအမျိုးအစား။ ရခိုင်သားလဒမှိုင်နိ အမှတ်တရ ရွီးစပ်ပါသည်။

သံဘောဒူ

သံဘောဒူ
=====

မင်းဖောက်ကေလည်း ငါမဖောက်ပါ
တယောက်တည်းလည်း ဖြစ်ပါတ်စီ --။

မင်းကြောက်ကေလည်း ငါမကြောက်ပါ
တယောက်တည်းလည်း ဟုတ်ပါတ်စီ --။

စောက်ရူးလို့ ပြောပြော
စောက်ပေါလို့ ဆိုဆို
လုပ်သင့်လုပ်ထိုက်စွာလုပ်လို့
အကြိမ်တရာ ဆဲလီပါတ်စီ
ငါမဖြုံ
(ထုံ) လားခပျာယ် --။

ပရိဿတ်ကို ရယ်ပြလို့
လက်ခုပ်တီးခံရစွာထက်
ပရိဿတ်ကို ဝေဖန်လို့
ကျောက်ခဲပစ်ခံရစွာ ကြိုက်တေ --။

(သာလှဧူး)
ရခိုင်သားလဒမှိုင်နိ အမှတ်တရ ရွီးစပ်ပါသည်။

ဆရာငပြာ ၀မ်းရီဆာ

ဆရာငပြာ
=======

တခါလာလည်း ဖတ်ဖို့ မြန်မာ
ဖတ်ဖို့ ရခိုင် မဟိပါ --။

နှစ်ခါလာလည်း ဖတ်ဖို့ မြန်မာ

ဖတ်ဖို့ ရခိုင် မဟိပါ --။

သုံးခါလာလည်း ဖတ်ဖို့ မြန်မာ
ဖတ်ဖို့ ရခိုင် မဟိပါ --။

ပြည်မြန်မာက လူများမှာ
သူရွီးသောစာ မဖတ်ပါ
ထိုသောအခါ
ဆရာငပြာ ၀မ်းရီဆာမှာ
စားပါလီယင့် သကာ --။

ဆရာငပြာ ၀မ်းရီဆာ
မြန်မာပြည်က ပြန်လို့လာ
ဒေါကီးလို့ လာ --။

မြန်မာအောက်ချီး မောင်ဗချီး
ငါ့ကို (ယခီး) လို့ခေါ်ရေ ---။

မောင်ပေါက် (ရခိုင်ပြည်)

ဆရာငပြာ ကဗျာ
===========
ဆဆရာကြီး ၀မ်းနှုတ်ဆီး
ညည့်အခါ သောက်ပီးပါ
ဝမ်းပြည့်ဝမ်းရောင် ဆီးကိုဆောင်
အစာမကြီ စားပါလီ
စအူနာဖြစ် ၀မ်းချူ လိုက် --။

မောင်ဂေါက် (ရခိုင်ပြည်)

ဆန္ဒ

ဆန္ဒ
==

ဝမ်းရီးကြောင့်
ဘ၀မှာ ပျာလာဆီးနီရကေလည်း
အချစ်မှာ လောင်ပွန်းဆီးမဖြစ်ချင်ပါ --။

(သာလှဦး)

မြန်မာမ

မြန်မာမ
======

အနာပြည်ပုတ်တိကို
ဖုန်းအုပ်ထားမရ
ရဲရဲကြီးခွဲထုတ်
မြီမြှုတ်ပစ်ရဖို့ --။

ချစ်ကြည်ရေးဆိုရေ
မလာဥ - စကားတိနန့်
အတွင်းပြည်နာ လှောင်စား
တရိရိ ဝေဒနာ
ခံစားနီရစွာက ပြည်သူ --။

တနိကျ
အောင့်မရလို့
ပြည်ပုတ်တိ မီးတောင်ပိုင်ပေါက်ကွဲ
(၈၈၈၈)
အရေးအခင်းဖြစ်တေ --။

အခုလည်း
ကျန်နီသိမ့်ရေ အနာပြည်ပုတ်တိကို
ခွဲထုတ်ဖို့
ပြည်မြန်မာမှာ
ဆရာဝန်တိ အများကြီးလိုရေ --။

အေနီရာမှာ
(ကြောင်ချီး) တိ မပါ --။

ပြည်ထောင်စု - လတ်
သကာလူးထားရေ
အာလူးဂါထာနန့်မန်းမှုတ်
ဆီသုတ်ဖို့ကြိုးစားလူတိရေ
လက်တွိမှာ
စိန်နားကပ်နန့်ပါးပြောင်
အယောင်ဆောင်တိရာဖြစ်တေ --။

ယင်းပိုင်နန့်
တလင်ကွာ မဆမ
မိခင်မြန်မာမသည်
ဝမ်းတွင်းပါ
မာဒရာ - ကို ချွတ်မရ
အနိစ္စဖြင့်ဈာန်ကြွ
(မရဏ)
ဘ၀ပြောင်းရလီသတည်း --။

(မောင်ပေါက်)
(July 23, 2005) စနီနိ။

ဆရာသို့

ဆရာသို့
=====

လေးစားပါရေဆရာ
ဆရာလုပ်လာစွာ
တော်လှန်ရေးသက်တမ်း
အနှစ် (၆၀) ကြာလားဗျာယ် --။

ယှင်းယှင်းပြောရကေ
မုဆိတ်တောင်ဖြူလားဗျာယ် --။

ယေကေလည်း ပေါက်သံတချက်မကြားရ
ဆရာ့တပည့်တိက
ရက်ပြတ်အမှောင်ခို
ရှုတ်ဆို ၀င်လားခဗျာယ် --။

ဆရာပြောလာကေ
(သေနင်္ဂဗျူဟာ) (နည်းဗျူဟာ)
(နည်းဗျူဟာသည် သေနင်္ဂဗျူဟာကို မထိခိုက်စီရ)
ဆရာ ဇာစာအုပ်က
နှုတ်ကျက်ကျက်ထားစွာလဲ --။

ယင်းစာအုပ်က
ဟိပါသိမ့်လား --။

ရွီးသူနာမည်ကား
ဇာပါလဲ --။

ဆရာပြောရေ
ပညာတတ်မှန်
ဖောက်ပြန်ရေလတ် --။

ရခိုင်ပြည်မှာ
ဇာမျှယောက်
ပညာတတ်ဟိပါရေလဲ ဆရာ --။

ဆရာ့တပည့်
လက်နက်ချ အမှောင်ဝင်
မောင်တောစံပြရွာက လူတိထဲမှာ
ဇာမျှယောက်
ပညာတတ်ပါရေလဲ ဆရာ --။

အခုအခါ ဆရာမှာ
ဇရာထုထောင်း ကျောက်ကပ်လည်းမကောင်း
ခြောင်းကလည်းဆိုး
အရိုးတီဘီ ဖြစ်နီပြန်ရေ --။

တောထဲမှာနီခါ
မရွှန်မကန်
အဖန်ရည်သောက်ခလို့ထင်ရေ --။

(Project) တင်လို့ ကျလာငွေလည်း
ယုန်းခန်းဖွင့်ဖို့တောင်မလောက်
ဆရာ့တပည့်တိက
မယားတွဲလွဲ သားတွဲလွဲ
ပါးစကိုကျည်း ဖြဲထားရေ --။

ဆရာနီမကောင်းစွာ
တယောက်ချေလည်း လာမကြည့်
ဟတ်ကျကေ
ဖြောက်ခနန့်ရောက်
နဖူးမောက်မောက် ဒူးငေါက်ငေါက်နန့်
ပေါက်ချပါလတ်ကတ်တေ
ပွေသာတောင်းဖို့လောက်ရာသိရေ --။

ဟုတ်ပါဗျာယ် ဆရာ
အေပိုင်အတိုင်းဆို
ဘ၀ဂြိုကျိုးလို့ နီမညှိုးခင်
အရာ အစွာလုပ်ခန့်လဲ --။

(သာလှဦး)
(2005)

မြန်မာဖဲဝိုင်း

မြန်မာဖဲဝိုင်း
======

တပုတ်ထဲ ပဲ
တကိုင်ထဲ ငပိ
ထူးမခြားနား
ဒိုင်စားစား
ဝိုင်းစားစား --။

(သာလှဦး)

နိုင်ငံရေးကြိုးဝိုင်း

နိုင်ငံရေးကြိုးဝိုင်း
========

(၁)
မြန်မာကိုလိုနီခေတ်ယုတ်မှာ
ရခိုင်ပြည်က ထွက်ကုန်ဆိုလို့
ပျက်မတိနန့်
ဖားတပိုင်းငါးတပိုင်း
သွီးရောခံလိုက်ရရေ
ကပျက် ကုလေကုချေတိရာဖြစ်တေ --။

မယုံနိုင်စရာ
ပုံဝတ္ထုတပုဒ်ပိုင်
ရခိုင်ပြည်သူတိ
စစ်တွေပင်လယ်ဝက
ဆန်တင်သင်္ဘောတိကို ငေးလို့
ထမင်းငတ်နီကတ်တေ --။

ယင်းချင့်အတွက်နန့်
အကျိုးဆက်ပြသာနာ
သြဂုတ် (၁၃) အရေးအခင်းမှာ
ရခိုင်ပြည်သူတိ
အတုံးအရုန်း ကျဆုံးလားခကတ်တေ --။

အေရာဇ၀င်
ကမ္ဘာတည်သရိ
ပျောက်ပျက်မလားအောင်
ရခိုင်ပြည်သူတိ
နှလုံးသားမှာ
ကျောက်ထက်အက္ခရာတင်လို့
သားစိုင်မြီးဆက်
ဆောင်ယူလားကတ် --။

ကမ္ဘာအဆက်ဆက်
Generation အဆက်ဆက်
ဆက် ဆောင်ယူလားကတ် --။

(၂)
စိုင်းတင်ရီအား
အားကောင်းမောင်းသန်
စီးဆင်းနီချိန်
ကျောက်ဖြူက သဘာဝဓါတ်ငွေ့ကိုရောင်းလို့
ဖက်ခွက်တိ ဇိမ်ကျနီချိန်
ရခိုင်ပြည်က အချေတိ
မီးခွက်မလင်းတလင်းနန့်
ခြင်ကိုက်ခံလို့
စာဖတ်နီရရေ --။

ကျောက်ကြမ်းလမ်းထက်က
လူခရုတကောင်
ပေတရာလမ်းမထက်က
မာရူးတီးမြင်းကို
ဇာပိုင်လုပ်
အပြီးပြိုင်နိုင်ဖို့လဲ --။

ရခိုင်လူငယ်ချေတိ
ထိုင်းဝလက်မှာ
ကူလီလုပ်နီကတ်ရရေ ဘ၀
ရခိုင်သမချေတိ
ကချင်ပြည်မှာလားလို့
ကျောက်တူးနီရရေ ဘ၀
ပြည်ထဲက
ကျောင်းဆရာမချေတယောက်
တလ၀င်ငွေ
ထပိန်တထည်ဝယ်ဖို့ မလောက်တေ ဘ၀
ယင်းချင့်အတွက် အကျိုးဆက်
Self-determination ဆိုရေ ဝေါဟာရ
ပေါ်ပေါက်လာရရေ --။

(၃)
အခြားတဖက်မှာ
မုတ်ဆိတ်ဖွားဖွားနန့်
မိစ္ဆာကုလားတိကလည်း
ရခိုင်ပြည်ကို အသျှင်ခံ
တန်ပြန်လက်မ ထောင်နီကတ်တေ --။

လူ့အခွင့်အရေးဆိုစွာ ဇာလဲ
ပျော့စိစိနန့်
ပေါင်မုန့်တုန်းလား --။

ကိုယ့်နိုင်ငံမှာ
ကိုယ်ကျွန်ဖြစ်ရဖို့ဘ၀
တွေးကြည့်တိုင်း
ရင်နာဖို့ကောင်းရေ --။

"မီများမီးနိုင် ရီများရီနိုင်" ဆိုရေစကား
နှစ်ဆယ်ရာစု လူ့ယဉ်ကျေးမှုသမိုင်း၏
မှတ်တိုင်တိလား --။

အရှိတီမောပိုင်
ငါရို့နိုင်ငံ
အဖြစ်မခံနိုင် --။

ချစ်ကြည်ရေးကို
လူတိုင်းလိုချင်ပါရေ
ယေကေလည်း
မတရားဖိနှိပ်လာကေက
ယှင်းပစ်လိုက်ရဖို့စွာဗျာယ် --။ ။

(မောင်မှန်)
1/2/1999

ရခိုင့်စာပီ AIDS

ရခိုင့်စာပီ AIDS
========

အပျော်လိုက်လို့
(ဧ့) ကိုက်နီရေ ရခိုင်စာပီ
အရိုးမှာ အရီကပ်
ကမ္မဌာန်းရုပ်ပေါက်နီဗျာယ်--။

တိုင်ထူဆီးလည်းမနိုင်
သွီးသွင်းလို့လည်းမရ
ကုရာနတ္ထိ ဆီးမဟိ
တရိရိနန့် လုံးပါးပါး
လေးဖက်တွားနီဗျာယ် --။

ကိုယ်ခံအားကျဆင်း
(ဧ့) ရောဂါစွဲကပ်လျှက်
လေးဖက်တွားလူမမာ
ပြန်လည်နလန်ထူလာနိုင်ဖို့
ရခိုင်ဇီဝက
သမားတော်ကြီးတိ
ဆီးအယင်ဖော်စပ်ပီးကတ်ပါဖိ --။

မောင်ပေါက် (ရခိုင်ပြည်)

ကန္တုကန္တာအချစ်

ကန္တုကန္တာအချစ်
========

ကန္တုကန္တာ မကျသိမ့်လို့
ဒါဒေါင်မရောင်းချင်ရေ ဈီးသည်မတယောက်ကို
ဈီးပြတ်ဖို့ မသင့်တော်ရေပိုင်
မင်းအချစ်ကိုလည်း
ငါ စ်ီးမျပတ္ခ်င္ပါ --။

အ၀ှန်လို့ ပြောချင်ကေ ပြော
အရွှန်လို့ ဆိုချင်ကေ ဆို
အချစ်တိ ရင်ထဲမှာ
လပြည့်ဖြားပိုင်
ဘုန်းဘုန်းကြီးပြည့်လို့ ---။

အခုက အညာရီကြီးလို့
ကမ်းထောင့်ပြိုကျရေပိုင်
ငါ့ဘ၀လည်း ရရောင်းဆာလို့
ပျက်ကျလားခပျာယ် --။

အာဂန္ဓုလို့ရာ သဘောထားလိုက်ပါဖိ
ညည့်နက်လို့ အနှင်မခံရအောင်
အထုပ်ချေကို ဘိုးသီးပိုးလို့
အိမ်ပြန်ဖို့ယာ ဘုချေ -။ ။

(အောင်ဇုံ)
June 10, 2014

သိုက်မြုံ

သိုက်မြုံ
=====

စာပဒေါင်းသည် အဟောင်းမခင်
အသစ်မြင်၏ --။

နွယ်မျှင်သွယ်တန်း သူ၏နန်းတွက်
ရက်ကန်းတတ်မြောက် သူတည်ဆောက်၏ --။

မိုးရောက်သည်နှင့် အဆင်သင့်ပင်
လီနှင့်အတူ တလူလူဝင့်
အောင်လံရွှင့်၏ --။

တွေးချင့်ထောက်ရှု ဤကောင်းမှုလျှင်
ကုသိုလ်ပြုရာ ကျောင်းကန်သာက
ကဗျာတပုဒ် ပုံပြယုဂ်တည့် --။ ။

(နရသီဟ)

ပြည်ကြီးရခိုင်

ပြည်ကြီးရခိုင်
========

ရက္ခပူရီ၊ တိုင်းဌာနီကား
ရီကြိုင်မြမြ၊ ဂစ္ဆပနှင့်
စိမ်းမြညိုရောင်၊ ရိုးမတောင်နှင့်
ကမ်းမြောင်ရှည်စွာ၊ ပင်လယ်ပြာနှင့်
ရောင်ဝါသွယ်ဖြာ၊ သာသနာနှင့်
စိုင်လာသမိုင်း၊ ဤတိုင်းနိုင်ငံ
နက်သန်ဘုမ္မိ၊ ရာဇ၀င်ဟိ၏ --။

ရက္ခပူရီ၊ ဤသည်နိုင်ငံ
အောင်လံဝင့်ဝင့်၊ ထီးဖွင့်နန်းတည်
ပိတောက်စည်နှင့်၊ နယ်ပြည်သမုဒ်
အချုပ်အချာ၊ အာဏာပိုင်စိုး
မြင်းမျိုးသိန္ဓ၀၊ ကေသရာဇာ
ဗျာလပဉ္စရူ၊ ဆင်ဖြူဆင်နီ
သက်သီသာဓက၊ သင်္ဂေတနှင့် --။

ရက္ခပူရီ၊ ဤမြီဇာတိ
သီရိမဟာ၊ ရာဇာသွီးရင်း
မြတ်ခြင်းသီလ၊ စောင့်ထမျိုးရိုး
ထိန့်ကြိုးငလျင်၊ ပဲ့တင်ဟိန်းဟိန်း
ဗြိန်းစောင်းသံပြိုင်၊ စည်တော်မြိုင်နှင့်
ရခိုင်သားသွီး၊ ထိန်ထိန်ညီးသည်
ဘုန်းမီးနီလတောက်ထွန်းတည်း --။

(နရသီဟ)

အလုံးကြီးကြီး ဆို့မမျို

အလုံးကြီးကြီး ဆို့မမျို
===========

မုတ်ဆိတ်ဖွားဖွား ကုလားပင်
ရခိုင်ပြည်ကို အသျှင်ခံလို့
တန်ပြန်လက်မ ထောင်လတ်တေ
လက်လွှတ်စပါယ် ကြည့်မထားကဲ့ --။

ရခိုင်ပြည်ထဲ ခိုးလို့ဝင်
ပြည်ကိုပင်လျှင် အသျှင်ခံလို့
သမိုင်းတိကို သူရို့လိမ်
နောင်တချိန်မှာ သွီးချောင်းစီးဖို့ --။

အမျိုးမစစ် ကာလနာ
နိုင်ငံတကာ ငိုလို့ပြယင့် --။

စစ်အစိုးရ ပြန်လက်ခံ
စစ်ဖက်ခွကြံ မဟာမင်းကြီး
အလုံးကြီးကြီး ဆို့မမျို
မင်းရို့ပြည်ကို ခေါ်လို့ထားလိုက် --။

ငါရို့ကတော့ လက်မခံ
ကိုယ့်နိုင်ငံကို ကိုယ်ရို့ပြန်ကတ်
အောက်ဆီအောက်ဆတ် ဆိုလတ်တေ
လူတိုင်းမှာလေ လူ့အခွင့်အရေး --။

ဓမြကို ရှိနီခံ
သူခိုးလက်ခံ သူရို့အစစ်
အမှန်တရား ချစ်ကတ်ပါ
မုသားဝါဒါ မသုံးကတ်ကဲ့
ကာလနာကို မမွီးစပ်ကဲ့ --။

မောင်ပေါက် (ရခိုင်ပြည်)

မှန်ကင်းတလှည့် ထင်းတလှည့်

မှန်ကင်းတလှည့် ထင်းတလှည့်
=================

မြုံခိုးအုံမှိုင်း တဆိုင်းဆိုင်းနှင့်
တိုင်းသျှစ်ဌာနီ ပြာဝီညို့ညို့
မြသို့အသွင် လှရိပ်ဆင်လျှက်
ပင်ထက်လျှိုမြောင် တောတောင်ယံကြော
သံချိုနှောသည့် ဥသြရီသောက်
နွီကိုရောက်တိုင်း ရင်လှိုင်းခက်ထန်
မျက်ရည်သွန်မိ ပြန်လည်နှိုးဆွ
ပူသောကနှင့် နွမ်းရဘ၀င်
စိတ်အမြင်ဝယ် ယခင်အတိတ်
ပုံနမိတ်ရို့ တရိပ်ရိပ်လျှင်
စွဲဟင်ထင်သည် မရွှင်တမ်းတရလီဗျာယ်။
 
မျှော်ကြည့်တိုင်းလျှင် သျှစ်ခွင်အနှံ့
တေးဝီဖြန့်ရာ စေတီသာလည်း
မြီမှာပြိုယွင်း အလှကင်းလျှက်
ကျိုးပျက်တံတိုင်း အပိုင်းပိုင်းလည်း
ခြုံဝိုင်းနွယ်ရံ အထီးကျန်စွာ
စရှာမရ အနန္တတည့် --။
 
သြော် ရခိုင်ရို့၏ မိမွီဘမွီ
စာပီလက်ရာ နုပညာလျှင်
တခါမှန်ကင်း တလှည့်ထင်းသို့
ပျက်ယွင်းမြီခ ဖြစ်လီရငြား
ရခိုင်သားရို့ စိတ်ထားမှန်မှန်
မျိုးမာန်တိုးမြှင့် သင့်တင့်ညီညာ
တွဲလက်ဖြာသော် ရင်မှာခွန်အား
အားမာန်ပွားသည်
မိုးသားရောင်နီသို့နှယ်တကား --။

(ခိုင်လူခြင်္သေ့)

ကျွန်းသားအချစ်

ကျွန်းသားအချစ်
==========

ရမ်းပေါက်ကေရာလည်း စုံလီ
ပင်လယ်နားမှာ နွားတရွီနန့်
ဝါးပုလီကို မေပျို ကြားအောင်
ကာရီဘောင်က
ဂြိုးငှက်ကေယောင်ယောင်
ဖိုးခေါင်ယောင်လေ
နိခြင်းကြောင်တောင်
ကုန်းခေါင်ခေါင်မှာ
ချွေးပေါက်ကေရာလည်း ဒုတ်ဒုတ်
ပုလီချေကို ဆိုကာမှုတ်လို့
အလုပ်မှာပျော် မေ့ကိုခေါ်ကေ
ပေါ်လာနိုးနိုး ချောင်းခိုးကြည့်ပျာ
တအောင့်ကြာကေ ဆင်းပါလာလတ်
ရီခပ်ကွန်ဆောင် ဟင်းခူးယောင်လေ
ဘုန်းမောင်လူချော သူ့ရည်းစားကို
လားလို့ ကြိုရေ --။

ပဇောင်ချို မေပျို ပီးရေ
နွယ်ချို ကွမ်းယာ ဆီးကွမ်းယာကို
မွားကာလည်းစား
ကလောင်ဂျီ ကို ဖွာကာသောက်လို့
တအောင့်နားခါ
မေပျိုနားမှာ လားကာလည်းထိုင်
လက်ကိုကိုင်ကေ
(အဘာလေ) အေပိုင်ချိုရေ အချစ်
ရွာကချစ်ကို
အနှစ်တရာ မမိပါဝေ --။

သက္ကရာဇ်ကို ဖြိုကာပစ်လို့
တစ်ကပြန်စ
ချစ်ချစ်လို့ မ၀ပါ --။
 
အောင်လှခိုင် (ဒိုက်ကလူ)

(Chat) အလွမ်း

(Chat) အလွမ်း
========

သဲမှုံရာလည်း ဖုံဖုံ
စုံလီရာလည်း သွတ်သွတ်
လပကေ သာယာ
တလင်းပြင် ညောင်ပင်အောက်မှာ
အချေခါက
ပုန်းတမ်းဝှက်တမ်း ကဇတ်ခစွာ
အတွက်ပေါ်ကေ စိတ်ကမပျော်
ဖျော်သူလည်းနည်း
ဝမ်းလည်းနည်းရေ --။
 
မေကစစ်တွေ မောင်ကအမေရိကန်
ဘုန်းကြီးပျံမှာ လွန်းပျံစက်သီး
ဒုန်းသီးပစ်ယှောင်
လွမ်းကတ်မည် --။

Chat Room ချေမှာ
ပေါ်မလာကေ မျှော်ကာနီယင်း
လိုင်ဖင်းကိုးတောင်ရှည်လတ်ပျာ --။

သနားပါကေ လာပါတချက်
နိခြင်းဖက် --။

(စိုင်းဒြားမင်းခွာ)

စောက်ဆိုးပတ္တနား

စောက်ဆိုးပတ္တနား
===========

လိမ္မာမြင်ပြင်း ဆင်းရဲအားရ
ကြွယ်ဝမနာလို ကိုယ်ထက်သာမကြိုက်
အမိုက်လေးပါး ဤတရားကို
ရိက္ခာအပြည့်သိုထား
ဣသာမိစ္ဆရိယစိတ်ကို
ဝမ်းစာအပြည့်သိုလှောင်
ရွှေကွပ်ထားရေ ဇတ်ဝတ်စုံနန့်
မဏ္ဍပ်တိုင်တက်လို့ ကပြ
ယိုလူမရှက် မြင်လူရှက်
တော်လှန်ရေးကာလမှာ ပွေသာရှာနီပြီးကေ
ပွေသာရှာဖို့အခါကျ တော်လှန်ရေးလုပ်ပြနီရေ
မျက်နှာလို မျက်နှာရ
စားပွဲခုံထက်မှာ စာအုပ်တပုံတင်လို့
မိမ္မချေတိရှိကျ ကားရီကားရားလားပနာ
စောက်ဆိုးပတ္တနားတကောင်ကို
ကင်းပွန်းရွက်နန့် သင်းပုံးလျှော်
ကနခိုနန့်ဝမ်းလျှူ ပနာ
စန်ဂိုးခတ်လို့ မောင်းထုတ်ပစ်လိုက်ရဖို့ --။

(သာလှဦး)

အေလူ ခေသူမဟုတ်

အေလူ ခေသူမဟုတ်
=============

ရွှေချဖို့ကောင်းရေစိတ်ဓါတ်တိနန့်
ခြင်ထောင်ထဲက လက်ခဲပစ်
ချစ်လိုက်ကတ်တေအမျိုး
အမျိုးချစ်ရာတွင် ငါနှင့်တူသူ လူမဟိ
စွန့်လွှတ်အနစ်နာခံရာတွင် ငါနှင့်တူသူ လူမဟိ
ရဲရင့်ပြတ်သားရာတွင် ငါနှင့်တူသူ လူမဟိ
တက်ကြွနိုးကြားရာတွင် ငါနှင့်တူသူ လူမဟိ
မှန်ကန်ကောင်းမြတ်ရာတွင် ငါနှင့်တူသူ လူမဟိ
ရိုးသားဖြောင့်မတ်ရာတွင် ငါနှင့်တူသူ လူမဟိ
ကြိုးစားအားထုတ်ရာတွင် ငါနှင့်တူသူ လူမဟိ
ဖြူစင်သန့်ယှင်းရာတွင် ငါနှင့်တူသူ လူမဟိ
တည်ကြည်ခန့်ငြားရာတွင့် ငါနှင့်တူသူ လူမဟိ
ထင်ပေါ်ကျော်ကြားရာတွင် ငါနှင့်တူသူ လူမဟိ
တော်ရာတတ်ရာတွင် ငါနှင့်တူသူလူမဟိ
နာမ၀ိသေသနတိ အထပ်ထပ်
မဟာမုနိမှာ ရွှေကပ်ထားယှောင် --။

ဆောင့်ခြောင်ချေထိုင်ရကေပင်
ကိုယ့်စွာကို ခြင်္သေ့ထင်လို့ ---။

လျှာရည်တမြမြ
တန်းပျင်းထက်က အကျရည်
ပူစပ်စပ်ချေ
ခြီရေလားဝေ သူငယ် ---။

အဂယင့် စိတ်ကူးပေါက်ကေ
ဒုန်းပေါက်ဆောက်လားအောင်
နောက်က
ကျောက်ကန်ပစ်လိုက်ချင်ရေ--။

ဖက်ခွက်သားကျ အမိလင်မ သားချေတိ
စိတ်ဓါတ်တိက
ချစ်ဖို့ကောင်းလိုက်တေနန့်
အလှပလှ ချီးထက်ရွံဖို့ကောင်းရေအကောင်တိ ---။

(ခတ်ကျောက်သီး)

တဆိချေလောက် လျှော့ကတ်မည်

တဆိချေလောက် လျှော့ကတ်မည်
================

ယလောက်ထိလည်း
မဟုတ်သိမ့်ပါ
တဆိချေလောက် လျှော့ကတ်မည် --။

'ဟ' လာကေ
'BC' က စရေ --။

ပစ, ၀မှာ
ဆို့နီရေ --။

ဆီမဟုတ်ကေ ရီနှင့်မျိုချ
မသထာကေ သီကျမည် --။

အခဲအစာမကြီ
ဝမ်းကြင့်နာဖြစ်လို့
တကြိုင်းကြိုင်းကျွီးအော်
ကယ်ပါကူပါ
မသက်သာကေ
နောက်ဘိတ်ဆုံးမှာ
ကနခိုကို ဆားနှင့်ဖျိုတိုက်
ဝမ်းလျှူပစ်လိုက်ရဖို့ယေ --။

(သာလှဦး)

အာရီယံ ဟက္ကရီကျ

အာရီယံ ဟက္ကရီကျ
=========

အမျိုးသီလ နှစ်ဌာနကို
ပြည့်ဝပိုင်ပိုင် စောင့်စွမ်းနိုင်၍
ရခိုင်နာမ ဘွဲ့မည်လှလည်း --။

ယခုကာလ ရခိုင်သမ
ဘောက်သာဆိုးဆို
အသီရရ အရှင်ရှင်ရ
ငပြီမကို ပြာမှာချယှောင်
ဖြတ်ဖြတ်လူးလို့ ငမ်းငမ်းတ --။

(ဂေါက်ရ)

ခွက်ပေါက်

ခွက်ပေါက်
=======

မင်းဖောက်ကေလည်း ငါမဖောက်ပါ
တယောက်တည်းလို့ ပြောပတ်စီ --။

မင်းကြောက်ကေလည်း ငါမကြောက်ပါ
တယောက်တည်းလည်း ဖြစ်ပတ်စီ --။

ရခိုင်ဖြစ်ပြီး ဖက်ခွက်ယက်ကေ
ယေမနားဝေ ဖက်ခွက်သားကျ
အေချင့်လားဝေ အမျိုးမြတ် --။

အဝေချကြောက်
မောင်ခွက်ပေါက်
လောက်ကျလိမ့်မည် သတိထား --။

(ရခိုင်ပေါင်းကူး သာလှဦး)

အထည်ကြီးပျက်ရခိုင်

အထည်ကြီးပျက်ရခိုင်
==========

ဇန္န၀ါရီ (၁) ရက်နိ
ရခိုင့်တော်လှန်ရေးနိကို
ကျင့်ပကတ်ဖို့ သတိမရ
ရခိုင့်အမျိုးသားနိကို
သတ်မှတ်ကတ်ဖို့ အတွက်မပေါ်
အထည်ကြီးပျက်ရခိုင်
ဒီဇင်ဘာ (၃၁) ရက်နိ
ရခိုင်အချုပ်အချာကျရေနိမှာ
လဒမှိုင်မှိုင်လို့
ပြက္ခဒိန်လည်း မြန်မာနန့်အတူတူ
စာရွီးကေလည်း မြန်မာနန့်အတူတူ
စကားပြောကေလည်း မြန်မာနန့်အတူတူ
စနီ တလဂုင်္နီကိုတောင်
ကိုယ့်စကားနန့်ကိုယ် ရွီးဖို့မတတ်
ဓည၀တီ ရခိုင်ပက္ခဒိန်မှာ
ပက္ခဒိန်တခုတည်း ရရစ်မပါစွာကလွဲကေ
စနီ တလဂုင်္နီ တလင်္လာ အင်္ဂါ
ဗုဒ္ဓူး ကြသားပတီး(ကသစ်ဗုဒ္ဓိ) သောက်ကြာ
အားလုံးမြန်မာပိုင်ယှောင် --။

အာရီယံ တနီသတ်
ခချီးကို ရမွှီးဆွတ်ထားယှောင် --။

(သာလှဦး)

အာရီယံ ရခိုင်သား

အာရီယံ ရခိုင်သား
=========

အာရီယံဟု ဆိုခြင်းပြုလည်း
ယခုရခိုင် တတိုင်ဗမာ
တတိုင်ကုလား ပဲလှော်ကြားမှာ
ဆားညှပ်ထား --။

အရီယံဟု ဆိုခြင်းပြုလည်း
ယခုရခိုင် ဖျာလိပ်ခေါင်းကို
ခွီးဝင်ပိုင် --။

အာရီယံဟု ဆိုခြင်းပြုလည်း
ယခုရခိုင် သကာစားမှာ
ဆောင့်ခြောင်ထိုင် ---။

(ရခိုင်ပေါင်းကူး သာလှဦး)

ဘီဟာရီ (၂)

ဘီဟာရီ (၂)
=====

ရခိုင်သားမှာ စာလည်းမဟိ
သူစကားနှင့် ရွီးလို့ခြီနီ
ဘီဟာရီ --။

ဘစ္စကုတကား အကောင်းမဟိ
သူ့စကားနှင့် ပြောလို့ခြီနီ
ဘီဟာရီ --။

တံတွေးသိန်းတန် အဘာခေါ်လို့
ကျိကျိပက်ပက် ချွဲလို့ နွဲ့လို့
ဖွဲ့လို့ခြီနီ ဘီဟာရီ --။

ပုဂံအက ကပြခါမှ
ဝေသာလီမျောက်ရုပ်
လှုပ်ကာပြသည် ဘီဟာရီ --။

ရခိုင်ဘုရင် ပုဏ္ဏားဂေါင်းပေါင်း
ဆောင်းကာပြသည် ဘီဟာရီ --။

(သာလှဦး)

ဘီဟာရီ

ဘီဟာရီ
====

အာရီယံအလုပ်ကို မလုပ်
မြန်မာအငုတ်ကို စုပ်
အရီယံ မဟုတ်
ဗီဟာရီ ယုတ် --။

(သာလှဦး)

ချီးထက်ရွံဖို့ကောင်းသူများ

ချီးထက်ရွံဖို့ကောင်းသူများ
============

ပြည်ထဲမှာ ကြည့်ခီပြန်ကေလည်း
ဖက်ခွက်တိက
နီရာတကာမှာ
မသမာမှုတိနန့်
ခဲဝါကျင့် ခဲဝါညာဏ်
အကောက်ကြံလို့ …။

တော်လှန်ရေးမှာလည်း
ဖက်ခွက်တိက
ရကေ အချောင်အုပ်ဖို့
အကွက်ချောင်းနီပြီးကေ
တိုင်းပြည်နန့်လူမျိုးကို ကယ်တင်ဖို့လတ်
လူကြီးလူကျယ် စကားပြောလို့ …။

မြင်လိုက်ကြားလိုက်စွာနန့်
အော့အံချင်ရေ
ချီးထက်ရွံဖို့ကောင်းရေ အကောင်တိ
လူချင်းရာတွိဖို့ဆိုကေ
အဂယင့်
အရီကိုလှန်လို့
အရှင်လတ်လတ်
ထူးခတ်ပစ်လိုက်ချင်ရေ ...။

(သာလှဦး)

အာဂသတ္တိ

အာဂသတ္တိ
=====

ခြင်ထောင်ထဲက
မျက်စိပြူးပြ
လျှာထုတ်ပြကတ်
ပစိကိုက်ပြ
သွားခြဲပြကတ်
အာဂသတ္တိဟိသောကြောင့် --။

(သာလှဦး)

ဘောက်သာဆိုး

ဘောက်သာဆိုး
========

သူများဖောက်လည်း
ငါ မဖောက်ပါ
တယောက်တည်းလို့ ပြောပတ်စီ --။

သူဖောက်ငါဖောက်
ကိုက်ဖောက်ကတ်စွာ
ဘောက်သာဆိုးမှာ
အပေါက်တရာ
ဖာ၍ထီး၍ မရနိုင်ပါ --။

(သာလှဦး)

ဘောက်သာဆိုး = ရခိုင့်စာပီအိမ်

ဂေါင်းပေါင်းဆောင်း မင်းသား

ဂေါင်းပေါင်းဆောင်း မင်းသား
==============

အတောင်ပါကေလည်း
ယင်ကောင်ဖြစ်ရ
ငါ့ဘ၀က မစားသာ --။

အစွယ်ပါကေလည်း
ပူးချေဖြစ်ရ
ငါ့ဘ၀က မစားသာ --။

ဘုရင်တကာ့ ဘုရင်
ဘုရင်မင်းဘုရား
ပုဏ္ဏားဂေါင်းပေါင်း
ဆောင်းကာ ကပြ
ဇတ်စင်ထက်က
ငါ့ဘ၀ ဖြစ်ရမစားသာ --။ ။

(သာလှဦး)

သူခိုးအသူလဲ

သူခိုးအသူလဲ
=======

မြန်မာ (နဲ့) ကို အတုံးလိုက်မျို
မျိုလို့မကျ
လိုင်ခြောင်းဝမှာ
ဆို့နီယက် --။

ဇာသူ သူခိုးလဲ
သူလား ကိုယ်လား --။

(သာလှဦး)

က၀ိအမော် ရခိုင်မဟာပညာကျော်

က၀ိအမော် ရခိုင်မဟာပညာကျော်
==================

ရခိုင်ပြည်ကြီး လွတ်လပ်ရီးတွက်
အသက်ကိုပီး သွီးချောင်းစီးလော့
လက်သီးလက်မောင်း ဖြောင်းဖြောင်းဆန့်တန်း
လမ်းကောင်းညွှန်ပြော သူဆော်သြ၏ --။

အမျိုးဘာသာ သာသနာမှာ
ကွယ်ကာမပျောက် တိမ်းမမှောက်အောင်
ဂုဏ်ရောင်ဘုန်းမီး ညီးညီးတောက်အောင်
အာပေါက်အောင်ပြော သူဆော်သြ၏ --။

သို့ပါသော်ငြား
သူဆော်သြစာ ကဗျာမှာကား
မြန်မာပိုင်ယှောင်ဖြစ်နီသတည်း --။

သူများနခေါင်းနှင့် အသက်လျှူ
သူများလျှာနှင့် အငှားယက်ကေ
မရှက်လားဝေး သူငယ်ချင်း --။

မြင်လိုက်ကေပင် အံလိုက်ချင်သည်
ရင်မှာ နလုံးပျို့သောကြောင့် --။


(၀ရင်းတုတ်)

ကျွန်ခွီး (သို့မဟုတ်) ဖက်ခွက်ယက်

ကျွန်ခွီး (သို့မဟုတ်) ဖက်ခွက်ယက်
===================
 
ယောက်ဖစကား ချီးလို့ငှားလို့
ရွီးလို့ခြီလား သကာစား --။

သကာစားမှာ ဇာတိနာ
ဖျောက်လို့ဖျက်လို့ မရပါ --။
 
တော်လှန်ရေးကို ဗန်းပြ
ပစက ယောက်ဖယောက်ဖ
ချမကျ --။

ဘာသာရေးကို ဗန်းပြ
ပစက ယောက်ဖယောက်ဖ
ချမကျ --။

သာရေးနာရေးကို ဗန်းပြ
ပစက ယောက်ဖယောက်ဖ
ချမကျ --။

နတ်ပူးစွာမှာတောင်က
ပစက ယောက်ဖယောက်ဖ
ချမကျ --။

ထိုဝပ်ဆိုက်ကိုကြည့်လည်း
ပစက ယောက်ဖယောက်ဖ
ချမကျ --။
 
ဒေ၀ပ်ဆိုက်ကိုကြည့်လည်း
ပစက ယောက်ဖယောက်ဖ
ချမကျ --။

ထိုသတင်းကိုဖတ်လည်း
ပစက ယောက်ဖယောက်ဖ
ချမကျ --။
 
ဒေသတင်းကိုဖတ်လည်း
ပစက ယောက်ဖယောက်ဖ
ချမကကျ --။

အာရီယံမဟုတ် ဘီဟာရီယုတ်
ခွီးပုတ်လောက်ကျ
ကြောက်ကြီးသံဖက်
ဖက်ခွက်ယက်
တပျက်ပျက်လေ တပျက်ပျက် --။ ။

(ထိုးကန်းချေ)

သဇင်

သဇင်
====

ပန်းဂေါ်သဇင်
နန်းတော်ဝင် --။

ဘ၀င်လီဟပ်
အညှာကျွတ် --။

သဇင်ပိုးထိုး
အညွန့်ကျိုး --။

ပိုးထိုးသဇင်
ဖုန်းဆိုးတောကို
တိုးလို့ဝင် --။

သဇင်ပန်းခြောက်
အနံ့ပျောက်
ဖုန်းဆိုးဘားမှာ
ငါးပါးမှောက် --။

(သာလှဦး)

ညှော်ဝင်သော တော်ဝင်သဇင်

ညှော်ဝင်သော တော်ဝင်သဇင်
==============

မျန်မာဆို “ချိုရေ” “ချိုရေ”
မျန်မာကို “လိုရေ” “လိုရေ”
မျန်မာဆို “ကိုရယ်” “ကိုရယ်”

(လူဂွဇာ)

ဝါတွင်းဝါးပြောက် (သို့မဟုတ်) ခြင်ထောင်ထဲက ပစိကိုက်ပြသူများ

ဝါတွင်းဝါးပြောက် (သို့မဟုတ်) ခြင်ထောင်ထဲက ပစိကိုက်ပြသူများ
==============================

သမိုင်းမှာ အထောက်အထားမပါ
စီးချင်းထိုးခါ ဒါးလှံမပါကေ
ကျည်ကုန်သေနပ် တုံးပိုင်းထက်လီးရေ
(မပြီးနိုင်ကေ)
နောက်ကျခြီထောက် သစ္စာဖောက်
ဒုန်းပေါက်ဆောက်လို့ ကျဖို့ယေ --။

(သာလှဦး)

နတ်ကောင်းမ

နတ်ကောင်းမ
=======

အမှားလည်းမဟိ အမှန်လည်းမဟိ
ဆန်နီစိခုနှစ်စိနန့်
“ကောင်းပါ” “ကောင်းပါ”
ဂါထာကို တဖွဖွရွတ်
ရွာက နတ်ကောင်းမပိုင် --။

(သာလှဦး)

ရခိုင်သားတော်လှန်ရေး

ရခိုင်သားတော်လှန်ရေး
===========

“တော်လှန်းရေ" ဆိုပနာ ကုန်းကွ
မောင်းမောင် “တော်” စွာက
“လှန်” စွာမှာ --။

(သာလှဦး)

သဇင်အတု

သဇင်အတု
======

အိမ်နောက်ဖေးတွင်
ဘောက်သာဆိုးနှင့်
နွားချီးအုံလို့
ပွင့်ရေသဇင်
ဥက္ခောင်းထက်တင်
မင်္ဂလာမဟိ --။

(သာလှဦး)

ကြက်မချေ

ကြက်မချေ
=====

ကတေတိုက်တေ ကြက်မချေ
ကြက်ဖချေ လာနီးနီး
ညိတိုင်း Comments ရွီး --။

(သာလှဦး)

လူ

လူ
==

နွားကို
သနားစွာလည်းလူ
စားစွာလည်းလူ --။

လူ
သူများကို တရားပြပျာယ်
ကိုယ်တိုင်ကျ
ဘုရားတသူ --။

လူ
အညမညတရားကို
လက်ကိုင်ထားပျာယ်
ပဋိပက္ခနှင့် မိတ်ဖွဲ့သူ --။

လူ
တရားသူကြီးလုပ်ပျာယ်
လာဘ်စားသူ --။

လူ
ဘုရားတကာရာထူးနှင့်
မယားတဏှာရူးသူ --။

လူ
အေဆူ
အမှန်လူရာမနား --။

(သာလှဦး)

အလိုတော်ရိများသို့

အလိုတော်ရိများသို့
=========

မြန်မာအငုတ်ကို အဟုတ်ထင်
လုလင် ဘ၀င်မြင့်မြင့်
စပ်ငြင့်ငြင့်
ဝမ်းကြင့်နီပျာလား --။

(သာလှဦး)

မိုးသောက်ရောင်နီ (ကြောင်ရီချွတ်လင်္ကာ)

မိုးသောက်ရောင်နီ (ကြောင်ရီချွတ်လင်္ကာ)

(LIGHT IN THE SKY)

(၁)
ပြောခါရခိုင် ရွီးခါမြန်မာ
မပီကလာ ပီကလာသည်
ကိုယ့်ဘာသာမိ စာကိုမိလျှက်
မသိတရား လွန်ပွားများ၍
အသိတရား လွန်ခေါင်းပါးသည်
ဖားတပိုင်း ငါးတပိုင်း
ပုံနှိုင်းရမူ ခွီးတူဝက်တူ
ထိုသည်လူလျှင် အယူမှောက်မှား
ပေါက်ကရားတည်း လားလီရာမှာ
မျက်နှာမလှ ဗီဇမပီ
ပဒရီစွပ် ကြောင်ရီဝတ်လျှက်
အမှတ်သညာ ကိုယ့်စာစကား
ဟိသော်ငြားလည်း အောက်နွားနောက်လိုက်
သူလျှင်ဖြစ်ရ ဘ၀ကျွန်ယုတ်
စုန်းစုန်းမြုတ်ကာ ဒုတ်ပိုင်းနောက်ကုန်း
ဘုန်းဘုန်းကျမှ အဘာထအော်
ယောက်ဖခေါ်သည်
မပေါ်ဖပျောက်သူလျှောက်တည်း --။

(၂)
ဖပျောက်မပေါ် ယောက်ဖခေါ်သား
သူဖုန်းစားလျှက် စကားပရိယာယ်
အလွန်ကြွယ်ဝ ပြောကတဖုံ
လုပ်တုံတမျိုး သူခိုး၏ညာဏ်
အကောက်ကြံတတ် ဘောက်ကတတ်လျှင်
ပြောလတ်ပါသည် ရခိုင်ပြည်မှာ
ဇာတာမကောင်း မင်းလောင်းကိုမျှော်
ပင့်ဖိတ်ခေါ်ကတ် ဆွီမျိုးစပ်ပါ
ပီးအပ်နှမ အလှပကို
ရောင်းကြစားကြ ၀မ်းဝမှရာ
ပြည်သာယာမည် လာရာလာလတ်
ပြန်မလွှတ်ပါ ဖြတ်ဖြတ်လူးလူး
စုန်းနတ်ပူးသို့ ဦးဖျားထိပ်တင်
လျှောက်ခန်းဝင်သည်
အယင်ဒုန်းပေါက်ဆောက်၏တည်း --။

(၃)
ဒုန်းပေါက်အယင် လျှောက်ခန်းဝင်သည်
ထိပ်တင်လက်မိုး ရှိတော်ခိုးလို့
ငါကျိုးကိုမျှော် ပူဇော်ပသ
ပြည်ဓညမှာ ဖြစ်ကြပါသည်
ငါ့မည်နာမ မာနတက်လျှက်
ငါထက်လည်းသာ မနာဝန်တို
စိတ်ငြင်ငြိုလို့ မလိုမုန်းပွား
ရန်ငြိုးပွားကာ ခိုက်ရန်ရှာသည်
ဗာလာလူမိုက် နောက်လိုက်အငှား
သူတောင်းစားလျှင် ကောင်းစားပါကြ
ခုကာလ၌ ဖြစ်ကြဖုံဖုံ
အလုံးစုံကို ပုံတိုပုဒ်စ
ထုတ်ကာပြမည်
ဟုတ်ကမနာကြစီသတည်း --။

(၄)
မနာဟုတ်က ထုတ်ကာပြမည်
ပုဒ်စပုံတို နားထောင်လိုက
လာလတ်ကြပါ ရောဂအနာ
ပျောက်ချမ်းသာအောင် ဆရာသမား
ကုစားသည်သို့ ရခိုင်ရို့ကို
ပြောဖို့ဥပမာ လင်္ကာစီကုံး
ကာရန်သုံးလို့ နှလုံးသာယာ
ဟိစိမ့်ငှာလျှင် ရွီးကာလည်းပြ
ဆိုကာပြမည် ကြောင့်ကြစိတ်ပူ
မငြူစူကဲ့ သျှင်လူတကာ
စိတ်ချမ်းသာမှ ဓညာရွှေပြည်
ရပ်ကြီးစည်လိမ့် တေဇာဘုန်းမိုး
ကြက်သရေတိုးလိမ့် အမျိုးဘာသာ
ထွန်းလင်းဖြာလိမ့် ဝေနေယျသတ္တ၀ါ
ဖီးကင်းကွာလိမ့် ဖြစ်စိမ့်သောငှာ
စေတနာသည်
ပြည်ရွာလွတ်မြောက်ရကြောင်းတည်း --။

(၅)
လွတ်မြောက်ပြည်ရွာ စေတနာနှင့်
ပြောခါနားထောင် လက်မထောင်ကဲ့
ထောင်ရေလက်မ အောက်သို့ချလိုက်
မာနတန်းခွန် မိုးထက်ပျံလို့
ဖောက်ပြန်သမှု မပြုကတ်ကဲ့
ပြုသည့်မာန အောက်သို့ချလိုက်
ဝါဒယှဉ်ပြိုင် ကြီးနိုင်ငယ်ညှင်း
အချင်းချင်းကို လုပ်ခြင်းရက်စက်
အစွယ်ထက်လို့ တောဝက်ပိုင်ယှောင်
မာန်မစောင်ကဲ့ စောင်သည့်စွယ်မာန်
နောက်ပြန်လှန်လိုက် အပြစ်ကိုမြင်
အယင်ပျင်ကတ် စာမတတ်ကဲ့
ဆိပ်ကျပ်ဆင်ချောင် လူ့ဘောင်လောက
မမျှတလို့ ပွပွပူပူ
ကျွက်ကျွက်ဆူရ ပုန်ကန်ကြသည်
ဒုက္ခကြွက်တွင်းနက်ရသတည်း --။

(၆)
ကြွက်တွင်းဒုက္ခ နက်ပါရသည်
စောရငပျင်း လက်ကြောတင်းနှင့်
မင်းဆိုးမင်းညစ် မှိုက်သရိုက်လျှင်
ဖြစ်ကြတဖုံ မွှီတုံယမ်းကား
ထွားထွားညက်ကြီ စစန့်သီရ
ကာလနာလျှင် ဆိုက်ကြပါကြောင်း
အလောင်းတောင်ပုံ ပုပ်ပွကုန်ကြ
ခွဆုံလမ်းကြား ၀မ်းလျားမှောက်လဲ
ကွဲပြဲသွီးယို ဗဗြန်းပြို၏ --။

ငိုယိုပြီးလွှား ကျောင်းသားသူငယ်
အရွယ်နုနု သက်ကိုလု၍
ဥပမာမူ ဖုတ်ပူမီးတိုက်
ကုလားတိုက်ကို ကျားဝင်ကိုက်သို့
မိုက်မိုက်မှောင်မှောင် လောင်လောင်ကျွမ်းကျွမ်း
သောင်းကျန်းပြည်ရွာ ပျက်ရပါသည်
မြန်မာမင်းညစ်ဆိုးသောကြောင့် --။

(၇)
မင်းညစ်မြန်မာ ဆိုးသွမ်းပါ၍
ပြည်ရွာမအီး ဒုက္ခဖီးနှင့်
ကပ်ကြီးလည်းဖြစ် ကာလနာလျှင်
ဆိုက်ကြတဖန် ရာဇဒါဏ်ကြောင့်
မှန်ကန်ဖြောင့်မတ် သင့်မြတ်သောသူ
ထိုသူလူကို ဆွဲယူသတ်ပုတ်
ချိုင်နှောင်ချုပ်၏ မဟုတ်မမှန်
လုပ်ကြံစွပ်စွဲ တရားစွဲ၏
ငရဲမီးတောင် ပေါက်ကွဲယောင်သို့
လှောင်တိုက်ကိုသွင်း နှိပ်စက်ခြင်းကြောင့်
ခြီချင်းတွဲလွဲ ဆင်းရဲမလှ
ခံရထိုထို တချို့ကိုလျှင်
အရှင်လတ်လတ် ကြိုးကွင်းစွပ်၍
သတ်ဖြတ်ယုတ်မာ လုပ်ကြပါသည်
ကြမ်းကြုတ်ဖရုဿာ ၀ါသနာတည်း --။

(၈)
ကြမ်းကြုတ်ဖရုဿာ ၀ါသနာကြောင့်
ပြည်ရွာပျက်ကျ ပုန်ကန်ကြ၏ --။

ထကြသူပုန် အလုံးစုံတည်း
အကုန်သူငါ တော်လှန်ပါ၏ --။

ပြည်ရွာအတွင်း မကြွင်းသျှင်လူ
ဆူပူအုံကြွ ဆန္ဒပြ၏ --။

မျောက်မ၀င်စား ဗိုလ်ချုပ်များလျှင်
ဘုရားပလ္လင် တက်လျှင်းပင်တင်
ဖင်ကိုကွကွ လှန်ကာပြ၏ --။

အသရေယုတ် အရုပ်ဆိုးဆိုး
ပုပ်သိုးနံစော် ရွံစရာတည်း --။

(သို့ပါသော်ကြောင့်)
ယှောင်ခွာဝီးဝီး ဖီးလွတ်ရာကို
ခိုကာပြီးလို့ ရွီးသားလင်္ကာ
စီကုံးပါသည်
မှန်စွာကြောင်ရီကျွတ်အံ့သတည်း --။

(၉)
ကြောင်ရီမှန်စွာ ကျွတ်အံ့ရာတွက်
ရာဇ၀င်မှာ ဖြစ်ပါလာသော
အရာများကို တိုတိုတုတ်တုတ်
ဆိုကာနှုတ်လို့ အကျွန်ုပ်လျှင်
တင်ပြပါမည် ရှိဝယ်အယင်
လောင်းကြက်တွင်ထ ထိုပြည်မကို
ရလိုချင်ဇော လောဘအားဖြင့်
စော်ကားရန်မူ မြန်ဟူခေါ်ထ
အင်းဝသမုဒ် ဇနပုဒ်က
အယုတ်မင်းခေါင် လက်မထောင်လို့
ခေါင်ပုတ်ပမာ ခိုးကာလာလျှက်
ပြည်ရွာသိမ်းဖျက် ဖြိုလုယက်၍
မြို့ပျက်တခါ ကြုံခပါ၏ --။

အရာတခေါက် မြို့မြောက်ဦးမှာ
ငကောက်ငကိုင်း ငလ၀ိုင်းက
ရိုင်းစိုင်းသမှု ပြည်ကိုလုလို့
တုပယှဉ်ပြိုင် အနိုင်လိုငြား
ပိုင်လိုအားဖြင့် ပိုင်းခြားပုန်ကန်
တိုက်ဖျက်ပြန်သည်
အကြံယုတ်စွ ပုပ်ပွသတည်း --။

(၁၀)
ယုတ်စွအကြံ ရခိုင်မှန်လျှင်
အရှင်လတ်လတ် ထူးခတ်သုတ်သင်
ဒါးစီရင်၏ --။

နီဝင်မိုးချုပ် အမျိုးပြုတ်အောင်
ကြိုးတုတ်နှောင်၍ လက်ပေါင်ကိုခွတ်
ဂေါင်းကိုဖြတ်လျှက် သတ်ကြတသွယ်
မြစ်ပင်လယ်မှာ ချပစ်ပေ၏ --။

အချေသူငယ် အစိတ်ကေဆို
ခြီကိုကိုင်မြှောက် ထုတ်ချင်းပေါက်အောင်
ဒါးထောက်ဝါးချွန် ထိုးသတ်ပြန်၏ --။

ကျန်လူမိမ္မ အလှပကို
ကျင့်ကြမုဒိန်း သွီးစိမ်းရှင်ရှင်
အမြင်မကောင်း ဖင်ဟောင်းလောင်းနှင့်
အလောင်းကိုလျှင် ရင်ကိုလည်းခွဲ
အထဲကိုယ်ဝန် မှောက်ကာသွန်လျှက်
မကျန်အငုတ် နိဂုံးချုပ်သည်
မျိုးပြုတ်အစိုင်တုံးအံ့သတည်း --။

(၁၁)
အစိုင်မျိုးပြုတ် အချုပ်နိဂုဏ်း
မဆုံးသိမ့်ပါ တောရွာပန်ဇင်း
လာခြင်းမကောင်း ဖင်ခေါင်းဦးနု
စိုးပြုမှောင်မိုက် ဖဆပလခေတ်တွင်
စစ်တပ်မြန်မာ ပစ်ခတ်ပါသည်
တရွာလုံးကျွတ် အပုတ်ပြတ်တည်း --။

နောက်ထပ်စစ်တွေ ဆယ်သုံးသြဂုတ်
ဖားပြုတ်နေ၀င်း စီမံခြင်းကြောင့်
ထမင်းငတ်ရ ၀မ်းမ၀သော
ဓည၀တီ ဝေသာလီဖွား
ရခိုင်သားကို ကျားထိုးသနတ်
လက်စသတ်၏ --။

မှတ်ကြရခိုင် ကုလားထိုင်မွတ်
အောက်ခြီလွတ်သည်
သီကတ်အကောင် ရောင်ရောင်တည်း --။

(၁၂)
အကောင်သီကတ် ခြီကိုခွတ်၍
မပြတ်တော်လှန် ပုန်ကန်ပါသည်
ဦးစွာမိုးလင်း စယင်းလူစု
အံကိုတုလို့ လူထုထောက်ခံ
လက်ခုပ်သံနှင့် တဖန်စံကျော်ထွန်း
စခန်းထူထောင်
အောင်လံလွှင့်လွှင့် ရွက်ကိုဖွင့်၏ --။

သို့ဖြင့်ချီတက် အသက်ရာသီ
မကျီအခဲ ရဲရဲတောက်လောင်
သွီးမီးတောင်နှင့် အကောင်တီဖြစ်
ရိုးတွန်ရစ်၏ --။

အသစ်ရာဇာ ဆက်ခံလာသည်
လူရာသီလား သူကားမသီ
အာဇာနီတည်း --။

ဤမြီဤသို့ လွတ်ဖို့ကြံစဉ်
သံယောဇဉ်ကြောင့် မယိုင်မလဲ
(ခိုင်ခိုင်မြဲ) သည်
အောင်ပွဲဆက်ကာခံလိမ့်သတည်း --။

(၁၃)
ဆက်ကာအောင်ပွဲ ခြိမ့်ခြိမ့်သဲလိမ့်
အမြဲမစံ လောကဓံကြောင့်
အမှန်မုက္ချ သူရို့ကျအံ့ --။

ဓည၀တီ သိင်ဂီရွှေပြည်
အောင်စည်အောင်မောင် သောင်းသောင်းညံညံ
သံပြိုင်အမြောက် ပေါက်လတ္တံ --။

ဝံလက်ဓိဌာန် တောင်ဖံညီညာ အောင်လံချီလာရောက်လတ္တံ --။
ပျံတက်ဗိမာန် တောင်ယံတိမ်သာ ရောင်လျှံထိန်ဝါတောက်လတ္တံ --။

(Light In The Sky)
(ကြောင်ရီချွတ်လင်္ကာ)
ခရစ်သက္ကရာဇ် (၂၀၀၅) ခုနှစ် ဒီဇင်ဘာလ (ရ) ရက် ဗုဒ္ဓူးနိ ရွီးပြည့်စုံသည်။

နိဗ္ဗာန ပစ္စယော ဟောတု။

ပဒရီစွပ် ကြောင်ရီဝတ်လျှင်
သီကတ်အယင် ထိုခါတည်း --။

မောင်ပေါက် (ရခိုင်ပြည်)

အောက်မှော်

အောက်မှော်
=======
 
ပေါ်လစီ ပေါ်လစီ
လော်လီဖောက်ပြား
မောင်လျှောက်သား --။

စားရက လာလာ
မစားရက ခွာခွာ --။

စားရက အဘာ အဘာ
မစားရက ငပြာ ငပြာ --။

ပီးကေ ချီကျူး
မပီးကေ ချလူး --။

ပီးကေ သူကောင်း
မပီးကေ ဘူတောင်း --။

(သာလှဦး)

မျောက်ပွဲ

မျောက်ပွဲ
====

ပန်းကို ဗန်းပြ
ဝခြမ်း နန်းတက် --။

ညီညွတ်ရေး ညီညွတ်ရေး
ပဒရီကျွတ်ပွဲမှာ
မျောက်ကလူဖြစ်
လူဖြစ်သောမျောက်
သစ္စာဖောက် --။

(အောင်သာလူ)
Feb 3, 2008

အဆိပ်ခွက်

အဆိပ်ခွက်
====== 

အချေခါ ကြားနီကျစကား
မျောက်လက်ထဲမှာ သပြာရယှောင် --။

အခု
မျောက်လက်ထဲမှာ
မောက်စ့်ရလားခဗျာ --။

(သာလှဦး)

လမ်းဖောက်သူ (နှင့်) လမ်းလျှောက်သူ

လမ်းဖောက်သူ (နှင့်) လမ်းလျှောက်သူ
====================

လမ်းဖောက်သူ
ကြိမ်စူးလည်းစူး
သွီးလူးလူး --။

လမ်းလျှောက်သူ
ဘုရားလည်းဖူး
လိပ်ဥတူး --။

(သာလှဦး)

ဆရာတော်အား ပန်ကြားခြင်း

ဆရာတော်အား ပန်ကြားခြင်း
=============

ဆရာတော်ကို မသီခင်က
ခွီးပုတ်လောက်ကျ ပြောကတ်ပြီးမှ
အခု ငိုပြနီကတ်တေ --။

ဘုန်းကြီးဆိုဝါ နိုင်ငံရေးနန့်
ပဇာဆိုင်လဲ ကဲ့ရဲ့ကတ်ပြီး
အခုမှ ချီကျူးနီကတ်တေ --။
 
နိုင်ငံရေးလုပ်ချင်ကေ
စစ်တွေကိုမလာကဲ့
မြန်မာပြည်သို့လား
နှင်ထုတ်ထားပြီးမှ
အခု ကြီးရုပ်ထုလို့ ကိုးကွယ်ကတ်တေ --။

သံဝေဂရဖို့ကောင်းပါရေဆရာတော်
နိုင်ငံတကာ ပြည်မြန်မာကို
ချောင်းပေါက်အောင်လားလို့
အာပေါက်အောင် တရားဝှေါပြီးခါမှ
ညောင်ကုန်းကျောင်းနားက အမှိုက်ပုံဘေးမှာ
ဒုံးပေါက်ဆောက်လို့ သီရပါရေ --။

တမလွန်ဘ၀မှာ
အသက်ရှင်လို့ဟိနီသိမ့်ကေ
အေရခိုင်သားအဆွီးတိကို
တခေါက်ပြန်လာလို့
ဆုံးမခလိုက်ပါ ဆရာတော် --။ ။

(သာလှဦး)

တော်လှန်ဥဒါန်းကျူးရင့်ချိန်

တော်လှန်ဥဒါန်းကျူးရင့်ချိန်
===========

တွက်လီတွက်လီ ဖျက်ဖြီမရ
လွမ်းစတောင်တန်း ၀မ်းနည်းမှုပင်လယ်
စီးသွယ်ရ့စ်ယင့် ပွားဆင့်ရင်မှာ
ခံစားလာရ မာနရီစီး
ဒေါသမီးနန့် ကြက်သီးထတုန်
မာန်ဟုန်ထန်ပြင်း သွီးချင်းချင်းနီ
မကျီဥဒါန်း လောင်ကျွမ်းမွိမွိ
တငွိငွိတည်း မိ၍မရ
သောကမျက်ရည် ရစ်ဝဲလည်သည်
ဤမြီကမ္ဘာဆုံးစမထင် --။

ရခိုင်ရို့၏ထီးနန်း ပန်းဆင့်ဘုံသွယ်
နဂါးနွယ်လိမ်ရစ် ခုနှစ်ဆင့်သောပြသာပ်
အထပ်ထပ်သော မြို့ရိုး
တန်ဘိုးမဖြတ်နိုင်စရာ
သုခုမလက်ရာ အဖြာဖြာသည်
ပြာကျလောင်ကျွမ်း ယမ်းငွိတလူလူ
သူသူငါငါ ကူပါကယ်ပါ
ခိုကိုးရာနတ္ထိ အပြစ်မဟိသောပြည်သူ
လူပေါင်းရာပေါင်း သိန်းပေါင်းများစွာ
ဂေါင်းပုံပြင်သည်
ရာဇ၀င်သမိုင်းထက်က စာမျက်နှာ --။

(သြော်) တွေးလီတွေးလီ အတီတေက
ပန်းချီကားချပ် ပြတ်သားပီပြင်
တွိမြင်လာရ မာနရီစီး
ဒေါသမီးနှင့် တက်သီးအံကြိတ်
သွီးထိတ်ကျွီးအော် တိုက်ပွဲခေါ်သည်
တော်လှန်ဥဒါန်းကျူးရင့်ချိန် --။

(နရသီဟ)

မှတ်မိသလောက် ပြန်တင်ပီးထားခြင်းဖြစ်ပါသည်။

ဇတ်လမ်းကို အဆုံးသတ်ခန်း

ဇတ်လမ်းကို အဆုံးသတ်ခန်း
===============

သဘာပတိများကြွလာကေ
ရပ်စောက်ရပ်အလေးပြုရ
ကျွန်တော့်မှာ တော်လှန်ရေးအတွက်
ပင်ပန်းလားခဗျာယ် --။

သက်တန်းကုန် ၀န်ကြီးတိနန့်တွိတိုင်း
ခါးကိုင်းဦးညွတ် အရိုအသေပီးရ
ကျွန်တော့်မှာ တော်လှန်ရေးအတွက်
ပင်ပန်းလားခဗျာယ် --။

ပြက္ခဒိန်မှာ ဆီးမှင်အနီကွက်ကျား ရက်တိကများ
ညိတိုင်းညိတိုင်း ဆန္ဒပြရဖို့အလား
အခမ်းအနား အခမ်းအနား နိမအားညမအား
ကျွန်တော့်မှာ တော်လှန်ရေးအတွက်
ပင်ပန်းလားခဗျာယ် --။

အစည်းအဝေးတက်တိုင်း
ငွေရေကြေးရေး စကားများရ
ညီညွတ်ရေး ညီညွတ်ရေး
နဖူးကွဲဒူးပြဲ အလဲထိုးရ
ကျွန်တော့်မှာ တော်လှန်ရေးအတွက်
ပင်ပန်းလားခဗျာယ် --။

အချိန်တန်ကေ အချိန်မှန်ထုတ်ပြန်ရေ
လံကြုတ်သတင်းတိကို

ရေဒီယိုဖွင့်တိုင်းကြားနာရ
ကျွန်တော့်မှာ တော်လှန်ရေးအတွက်
ပင်ပန်းလားခဗျာယ် --။

ရခိုင်တခွန်းမပါ
ရခိုင်အမျိုးသားမြန်မာသတင်းစာကို
လစဉ်ပုံမှန် စာမျက်နှာလှန်လှန်ဗျာဖတ်ရ
ကျွန်တော့်မှာ တော်လှန်းရေးအတွက်
ပင်ပန်းလားခဗျာယ် --။

မမြင်ချင် မကြည့်ချင်အဆုံး
မျက်နှာတိကို
မြင်ရပြုံးပြရ ဘ၀ဒုက္ခများစွာနန့်
ကျွန်တော့်မှာ တော်လှန်ရေးအတွက်
ပင်ပန်းလားခဗျာယ် --။

ရန်သူကို တော်လှန်ဖို့အချိန်မရ
ရွှေလဒတိကိုကျည်း တိုက်ခိုက်နီရ
ကျွန်တော့်မှာ တော်လှန်ရေးအတွက်
ပင်ပန်းလားခဗျာယ် --။

(သာလှဦး)

ယခိုင်ပျည်ကျီး သီးချားလွတ်မျောက်ယေး (သို့မဟုတ်) မျန်မာစကားသိပ်ပေတာဘဲ မောင်မင်း

ယခိုင်ပျည်ကျီး သီးချားလွတ်မျောက်ယေး (သို့မဟုတ်) မျန်မာစကားသိပ်ပေတာဘဲ မောင်မင်း
===================================

ဝမ်းရေးအတွက်
အသက်ဆက်ဖို့
မရှက်မကြောက်
ဖောက်ပါရသည်
ကတိဟူသော ကျိန်သစ္စာ --။

ထွက်လာခါစ ရဲရဲတောက်
ပါးစက တပေါက်
အခုက လေးငါးခြောက်
ခွံ့ရကျွေးရမလောက်
(ဂြောက်ဂြောက်) နန့်
ဂျောက်ထဲကို ကျောက်သီးကျယှောင် --။

စားလည်း ကကောင်းစားနိုင်ကတ်တေ
စာသားပြင်းချေတိကိုကြည့် --။

တိုင်းပြည်အီးအီး မအီးအီး
အရေးမကြီး
ဝမ်းမီးအီးဖို့ အရေးကြီး --။

တိုင်းပြည်ကောင်းစားစား မကောင်းစားစား
သတိမထား
မယားကောင်းစားဖို့ အဓိကထား --။

လူမျိုးချောင်းကျကျ မကျကျ
ကိုယ်ဂွမကျကေ ကျီ --။

(ယခိုင်ပျည်ကျီး သီးချားလွတ်မျောက်ယေးအတွက်
လက်နက်ကိုင်တော်လှန်တိုက်ပွဲဝင်ကျ)
ငုတ်ယင်းပေါ် ပေါ်ယင်းငုတ်
မြုတ်ယင်းလှော် လှော်ယင်းမြုတ်
စင်းပြတ်ပြုတ် --။

ငပျင်းလောင်းလှော်ပိုင်ယှောင်
ကြိုးကမဖြုတ် လှော်ယင်းစစုန်းမြုတ်
တော်လှန်ယင်း
အမျိုးပြုတ်ကတ်လိမ့်မည်သတိထား --။

(မျန်မာစကားသိပ်ပေတာဘဲ မောင်မင်း)

(သာလှဦး)

ထောင်တည်မော်ကွန်းသူရဲ

ထောင်တည်မော်ကွန်းသူရဲ
=================

အဖွဲ့အစည်းတခု၏နယက
အကြံပီးအရာဟိကြီးပ
ရုတ်တရသီဆုံး သျှင်လူအားလုံး
ယူကျုံးမရ နှမြိုးတသ
အဖရခိုင်ပြည်၏သားကောင်းရတနာကြယ်မွန်
အချိန်မတန်ခင်
ကွယ်လွန်စွာစော
အကျွန်ုပ်ရို့အား
ကြောခိုင်းလားဗျာယ် --။

ဘစောင်ပျင်လို့ ရက်စက်စွာလဲ
ခေါ်ကေလည်းမထူး ငိုကေလည်းမကြား
ဥပက္ခေတရားနန့်
မရဏရထားစီးလို့
ကျွတ်လားခဗျာယ် ---။

အလေးပြုကတ် ရပ်စောက်ရပ်ကတ်
ဂေါင်းညွတ်ဂုဏ်ပြု (၃) မိနိလောက်
ကောင်းရာသုဂတိ လားစီဖို့ ---။

ဆရာကြီးရေ စာသမား ပီသမား
ဘာသာရေးသမား စာဟောဆရာကြီး
ဘိန္ဓောယမ်းကု စွယ်စုံရ ပါရမီသျှင်
မျိုးချစ်ပုဂ္ဂိုလ် နိုင်ငံရေးသမား
တော်လှန်ရေးသမား
လူအများက နာမကင်းပွန်း
အမွှမ်းတင်ခေါ်ဝေါ် ဒေါ်လာသန်း (၅၀၀)
(Project) ဆရာကြီး ---။

ဆရာကြီးချန်ခ ဂျောင်ထဲက
အညတရ တေတ္တာတလုံး
ပုလဲကုံးရတနာ အသပြာသိန်းသန်း
နီမြန်းသော ပတ္တမြား
ဖွင့်ကြည့်သောအခါ
နွမ်းရိကြီမွ မှိုတက်လျှက်
အ၀တ်စနန့်ထုတ်ပိုး ပိုးထိုးကြွက်ကိုက်
လက်နှိပ်စက်မူ ဆောင်းပါးတပုဒ်
မဂ္ဂဇင်းတအုပ်က
ကော်ပီကူးထားစွာ ---။

၎င်းအပြင် စာလုံးမပီမပြင်
(Type) ရိုက်ထားသော
ဘာသာပြန်တမူ ---။

ဆရာကြီးသည်
စာပီကို အသက်ထက်မြတ်နိုး
တန်ဖိုးထား၏
ဂျောင်ထိုးသိမ်းထား ကြွက်ကိုက်စား၏ ---။

မည်သူမည်ဝါ
အသူလာတောင်းတောင်း မပီး ---။

အာဂပုဂ္ဂိုလ် ခေသူမဟုတ်
သို့အတွက်ကြောင့်
(အကြံပီး နယကကြီး)
ကောင်းချီကင်းပွန်း အမွှမ်းတင်ကျူး
ရွာဦးနတ်ပိုင်ယှောင်
ပူဇော်ပသ ကိုးကွယ်ရစွာ ---။

ဆရာကြီးမြတ်နိုး တန်ဖိုးထားသော
ပြည်တန်ပတ္တမြား
(ထောင်တည်မော်ကွန်း) ကို
ဆရာကြီးစီးရာ သင်္သရာရထား လားရာ
တဖ၀ါးမကွာ ကပ်လျှက်ပါဖို့
အလောင်းနန့်ခေါင်း
ကျမ်းဟောင်းမော်ကွန်း
ဇတ်လမ်းသုံးပွင့်ဆိုင် ---။


နောက်နိညည့်
ရက်လည်ဆွမ်းမကျွေးရသိမ့်ခင်
သက်ဆိုင်ရာ အဖွဲ့အစည်း (၂) ခု၏
ယုန်းခန်း၌
ထောင်တည်မော်ကွန်းသူရဲ
ခြောက်သည်ဟူ၏ ---။ ။

(မယုံလျှင် စုံစမ်းကြည့်က သိနိုင်ပါသည်။)

(ရခိုင်ပေါင်းကူး သာလှဦး)

ရခိုင်သားနိုင်ငံရေး

ရခိုင်သားနိုင်ငံရေး
==========

ပြောခါ လွတ်လပ်ရီး
လုပ်ခါ ဖွတ်ချီး --။

ပြောခါ ဒီမိုကရေစီ
လုပ်ခါ လီမိုကရေစီ --။

ပြောခါ လူ့အခွင့်အရေး
လုပ်ခါ သူ့အခွင့်အရေး --။

ပြောခါ ညီညွတ်ရေး
လုပ်ခါ နဖူးကွဲ ဒူးပြဲ --။

အယင်ခါ ကျင်သန်
အခု (---)။

(သာလှဦး)
မှတ်ချက်။ ။ ကွက်လပ်ဖြည့်ပါကဗျာအမျိုးအစား

သုတေသီ

သုတေသီ
=====

သုတေသီဟု
ပညတ်ပြုသော

ဗဟုသုတ
လွန်ကြွယ်ဝသော ဆရာ --။

ကမ္ဘာ့သမိုင်း
ဖြစ်စဉ်တိုင်းကို
ပိုင်းခြားဝေဖန်
တိကျမှန်သော ဆရာ --။

မြန်မာရာဇ၀င်
ကျမ်းစုံလင်ကို
ရင်သတ်မိမော
ဟောပြောနိုင်သော ဆရာ --။

ပိဋကတ်သုံးဖုံ
အလုံးစုံကို
အာဂုံဆောင်လျှက်
နှုတ်ကျက်ရသော ဆရာ --။

ရခိုင်သမိုင်း ရခိုင်စာကျ
လေ့လာကြိုးကုတ်
ဖော်ထုတ်ဖို့ရန်
သူက မိကွန်ဆောင်နီ၏ --။

ဟက္ကရီကျမသား
ဝမ်းဖားဖား

ကားရီကားရား
ဝက်ပိုင်ယှောင်လား
ဝက်ပိုင်ယှောင်စား --။

ဘွဲ့လုံးထီးထီး
ထန်းသီးလုံးထက်ကြီး
ဓပြုတ်သီးထက်ကြီး
(လီးလိုက်တေပင်) ထမ်းလို့မပါ
ကာလနာ --။

မောင်ဂေါက် (ရခိုင်ပြည်)

အောက်အီးအီးတွန်သော ၀ံလက်

အောက်အီးအီးတွန်သော ၀ံလက်
=================

ရဲရဲတောက်
အမောက်နီနီနန့်
တိုက်ကြက်ဖကြီး
အီကရီးမတွန် --။

မာန်ပေါက်ပေါက်
တွန်ဟောက်လိုက်သည်
အောက်အီးအီးအွတ် --။

(သာလှဦး)

အတိတ်နှင့် ပစ္စုပ္ပန် (၃)

အတိတ်နှင့် ပစ္စုပ္ပန် (၃)
============

သမိုင်းကို ပြန်ရွီးဖို့အစား
သမိုင်းကို ဖန်တီးကတ်မည် --။

(သာလှဦး)

အတိတ်နှင့် ပစ္စုပ္ပန် (၂)

အတိတ်နှင့် ပစ္စုပ္ပန် (၂)
==========

 အယင်ခါ ကျင်သန်
အခု (----)။

(သာလှဦး)

ပလ္လင်ကောက်ရိုး ဂေါင်းတော်ထိုး

ပလ္လင်ကောက်ရိုး ဂေါင်းတော်ထိုး
(နွားလားဥဿဘမော်ကွန်း)
===============

ဆောက်ကတာရှည် ဖျက်ကေခဏ
ဒေါသလွန်ပွား ရခိုင်သားမှာ
စိတ်ထားမမှန် အကောက်ကြံတတ်
အောက်ခြီလွတ်၏ တနပ်စာကို
လျှာရည်ယိုလို့ မလိုသူ့ကျိုး
အမဲရိုးကို တိုးကတ်လုကတ်
ရန်စောင်တတ်၏ မလွတ်ခြီထောက်
တယောက်သောသူ တက်လတ်မူသော်
ငြူစူငဲ့စောင်း အလိုက်ချောင်းလျှက်
ဖြောင်းဖြောင်းလည်းကျိုး ရိုက်ကာချိုး၏
“အမျိုးသားရေး လွတ်လပ်ရေး” ဟု
ကြွေးကြော်သံလှ မျောက်ပြဆန်တောင်း
ဝမ်းဟောင်းလောင်းဖြင့် ကောင်းကောင်းလှည့်ဖျား
ညာဝါးစား၏ သားမယားဝမ်းဝ
ခါးလှဖို့ရေး သွားကိုဖြဲ၏
ကြဲတဲကြောက်တောက် ဆဲဆိုငေါက်လျှက်
ယောက်ကျားဘသား ၀က်ထီးအားကိုး
အကျင့်ဆိုးသည် သူခိုးအုပ်စိုးလီကုန်သတည်း --။

သူခိုးအုပ်စိုး အကျင့်ဆိုး၍
မကြိုးမစား အင်အားကိုသုံး
လက်ရုံးမာန်ထောင် တကောင်ကောင်ကို
တကောင်ကခတ် တကောင်သတ်ဖြင့်
တကောင်ပင့်၏ အခွင့်ကိုချောင်း
တကောင်ညောင်းသော် တကြောင်းတကန်
တက်လာပြန်၏ ညာဏ်နီညာဏ်နက်
ကြံဖန်လျှက်တည်း လက်နက်အားကိုး
သူခိုးဓမြ တိုက်ကြတလီ
ပါတီမုဒိန်း အာဏာသိမ်း၍
ဘိန်းစားလူမိုက် စိုးရဖြစ်ကာ
ပစ်ကတ်သတ်ကတ် ဖြတ်ကတ်သည်မှာ
ဟင်္သာကိုးသောင်း ရရောင်းဆာလျှက်
ပျက်သည့်ပုံပမာ နည်းတူစွာတည့်
ကြံရာခဲခက် လက်နက်ကိုရောင်း
မောင်းတုန်းကိုဖြုတ် အထုပ်ထုပ်၍
တုတ်ကြအယင် တွင်းဆုံးဝင်သည်
ငါ့သျှင်ဒုန်းပေါက်ဆောက်၏တည်း --။

ငါ့သျှင်ဒုန်းပေါက် ၀မ်းယားမှောက်၍
ဆိုက်ရောက်မောင်တော ဖုန်းဆိုးတောမှာ
ကြီးပွားပါသား မြက်ခြောက်စားသည့်
“နွားလားဥသဘ ရာဇဘုရင်
“ပလ္လင်ကောက်ရိုး ဂေါင်းတော်ထိုး” သည်
ဘုန်းမိုးရွာသွန်းဖြိုးလီသတည်း --။ ။

(ရခိုင်ပေါင်းကူး သာလှဦး ရွီးစပ်သည်။)

ရွာသူကြီးထုံးဘူး

ရွာသူကြီးထုံးဘူး
========
 
နန်းမြင့်တော်ဝင်
ပန်းသဇင်လျှင်
အပင်ခြီရင်း
ကြွီသက်ဆင်းလျှက်
မ၀င်းမပြောင်
အရောင်နွမ်းညှိုး
ညှာတံကျိုးလို့
ဘ၀မိုးမှောင်ကျလားခဗျာ --။

လမ်းဘေးက သဇင်ပန်း
ထိုခေါက်ရမ်းကို
ထိုလူနမ်း ဒေလူခြွီ
ဒေလူမွှီ ထိုလူကျုံး
(ရွာသူကြီးအိမ်က) ထုံးဘူးပိုင်ယှောင် --။

ညဥ့်လုံးပေါက်
လျှမ်းလျှမ်းတောက်
မာကျူရီမီးလုံးများအောက်
အရောင်နွမ်းပျောက်
နယူးယောက်မှာ ဒူးထောက်
သဇင်ပန်းခြောက် --။ ။

(သာလှဦး)

တိုက်ကြက်ဖနှစ်ကောင်

တိုက်ကြက်ဖနှစ်ကောင်
 ===========

တိုက်ကြက်ဖနှစ်ကောင်
တကောင်က မြန်မာယောက်ဖ
တကောင်က ကုလားယောက်ဖ
တကောင်နှင့် တကောင်ခွတ်
အိမ်သျှင်က အမြင်ကပ်
နှစ်ကောင်စလုံးကို သတ်လို့စား --။

(သာလှဦး)

လူပျက်မင်းသား

လူပျက်မင်းသား
========

မျက်လှည့်ဆရာ၏လိမ်ကွက်ကို
လူသိလားဗျာယ်ဆိုကေ
မျက်လှည့်ဆရာရေ
ဟာသဖြစ်လားပါရေ --။

မျက်လှည့်ဆရာစွာ
တခါတလီမှာ
မျောက်ကိုလည်း ကခိုင်းပါရေ --။

တခါတလီမှာ
ဘဲရုပ်က
ကြက်ဥ ဥခိုင်းပါရေ --။

ဖဲကိုသုံးခေါက်ချိုးဗျာယ်
ကုလားဖန်ထိုးလိုက်တိုင်း
အားလုံးကုလားရုပ်တိထွက်လာရေ --။

တခါတလီမှာ သူစွာ
ပုလီကိုမှုတ်
ဂါထာတိလည်း မန်းမှုတ်ပါရေ --။

အရာဝတ္ထုတခုကို
လက်ကိုင်ပုဝါချုပ်ပျာယ်
ပြန်ရုတ်လိုက်ကေ
ငှက်ရုပ်ချေ ဖြစ်လားပါရေ --။

ပုဝါကို ပြန်အုပ်
ပြန်ရုတ်လိုက်ခါ
ငှက်ရုပ်ချေ ပျောက်လားပါရေ --။

ပုဝါကိုတဖန်
ပြန်ချုပ် ပြန်ရုတ်လိုက်ခါ
လိပ်ရုပ်ချေ ထွက်လာပါရေ --။

ယင်းခါ ပုရိသာတ်က
တအံ့တသြ သဘောကျဗျာယ်
လက်ခုပ်တိတီး
ဆုချကတ်ပါရေ --။

(ယကေလည်း)
မျက်လှည့်ဆရာ၏လိမ်ကွက်ကို
လူသိလားပျာယ်ဆိုကေ
မျက်လှည့်ဆရာရေ
ဟာသဖြစ်လားပါရေ --။

ပုရိဿတ်က
ကျောက်ခဲပစ်လို့
ထန်းခေါက်ဖာကို
အသာပိုက်ပျာယ်
နောက်ဖေးပေါက်က
ထွက်ပြီးရလီပါရေ --။ ။

(သာလှဦး)

ကျွန်မျိုး

ကျွန်မျိုး
===

အိပ်စားကာမ
ဤသုံးဝ
ဘ၀တိရိစ္ဆာန် --။

(သာလှဦး)

အထည်ကြီးပျက်

အထည်ကြီးပျက်
========

ပညာဟိဖြစ်ပြီး
ပညာမဲ့သူကို
ချဉ်ဖတ်ဟုခေါ်သည် --။

ချမ်းသာပြီး
ပွေသာမဟိသူကို
ဖက်ခွက်ဟုခေါ်သည် --။

ဇတ်မြင့်ပြီး
ဇတ်နိမ့်သူကို
ယုတ်ကန်းဟုခေါ်သည် --။

(သာလှဦး)

မောင်ဝိုင်းချေ

မောင်ဝိုင်းချေ
=======
 
တဖွဲ့တစင်ထောင်သောသူ
ငသံတွေနှင့်တူ --။

ငသံတွေကို အားပီးလူ
ဘိုးတော်မောင်ဝိုင်းနှင့်တူ --။

(သာလှဦး)

(ရခိုင်ပြည်တော်လှန်ရေးမှာ မောင်ဝိုင်းချေတိများနီသိမ့်လို့ ရခိုင့်တော်လှန်ရေးကြီး ပျက်စီးနီရပါသည်။)

ယခီး (နှင့်) ဗချီး

ယခီး (နှင့်) ဗချီး
=======

ဗချီး ယခီး
လုံးထွီးထွီး --။

ဗချီးအီးပါ
ယခီးနာ --။

ဗချီးအီးပေါက်
ယခီးကြောက် --။

(သာလှဦး)

ယခီး

ယခီး
====
 
ရခိုင်စင်စစ်
ယခီးဖြစ်သည်
အနှစ်နှစ်ရာကျွန်သက်ကြောင့် --။

ယခီးပျော်ပါး
ဝအောင်စားသည်
ဝမ်းကားဖူးရောင်လာသောကြောင့် --။

(သာလှဦး)

ဝက်ထီး

ဝက်ထီး
=====

ဝက်ကိုအစာကျွေးစွာ
ချစ်လို့မဟုတ်ပါ --။

ခြံထဲက ၀က်ကို
ပိုးပိုင်မွီးစပ်
နိစိုင် အစာကျွေးကတ်တေ --။

ဝက်ကြီးက
တနိထက်တနိ တရက်ထက် တရက်
ထီးထီးလာရေ --။

ရီချိုးဗျာယ်
ခါးသပ်ပီးကေ
(၀က်ထီး) က
ကကောင်း ကြေနပ်နီရေ --။

သံဝေဂရစရာ
အများမကြာ
(၀က်ထီး) ကို လှံနန့်ထိုးခါ
ကျွီးလိုက်တေ ၀က်
ကမ္ဘာပျက်ယှောင် --။

ယပြီးကေ
အသွီးကိုထုတ်
အရီကိုဆုတ်
မီးဖုတ်ကြပ်တိုက်
(၀က်ထီး)
မျက်ဖြူဆိုက်ရပါဗျာယ် --။
 
နောက်ဆုံး လူတိက
ဝက်သားကို ချက်စားဗျာယ်
ဝက်ဂေါင်းကို
စွပ်ပြုတ်လုပ်ပစ်လိုက်တေ --။

(၀က်ထီး) ဘ၀
ပျက်စီးရပါဗျာ --။

(၀က်ထီး)
ဇာလည်းမတတ်နိုင်ပါဗျာ --။ ။

(သာလှဦး)

လူကောင်းလူတော်

လူကောင်းလူတော်
==========

တယောက်တည်းအပြေးပြိုင်
သူသာအနိုင်ရ --။

ပထမလည်းသူ
ဒုတိယလည်းသူ
တတိယလည်းသူ
ဆုတွေအကုန်းလုံးယူ --။

ဆရာသမား
သိပ်တော်ပါကလား --။

(သာလှဦး)

မှတ်ချက်။ ။ မြန်မာကဗျာ

(ဖ) ပါရင် ဖရဲသီးတောင်မစားနဲ့

(ဖ) ပါရင် ဖရဲသီးတောင်မစားနဲ့
================

ဖက်ခွက်အောက်မှာ
တိုင်းရင်းသားချစ်ကြည်ရေး
ကျိုက်ကဆံကွင်းမှာဘဲရှိတယ် --။

ဖက်ခွက်တွေ
အကြိုက်အနှစ်သက်ဆုံးအရာက
လှယဉ်ကျေးမယ်ပြိုင်ပွဲ --။

ဖက်ခွက်တွေ
အတော်ဆုံးအတတ်ဆုံးစီးပွားရေးစနစ်က
ကြက်ဆူပင်စီမံကိန်း --။

(ဖ) ပါရင်
ဖရဲသီးတောင်မစားနဲ့
ငရဲကြီးလိမ့်မယ် --။

(သာလှဦး)
(26/11/2007)

မှတ်ချက်။ ။ မြန်မာကဗျာ

ညီညွတ်ရေးကို ချစ်တေဆို

ညီညွတ်ရေးကို ချစ်တေဆို
==============

ညီညွတ်ရေးကို ချစ်တေဆို
မင်းသမီးအပျိုမချေကို
ဂင်တိုတို လူဘိန်းစားနန့်
ထိမ်းမြားနိုင်ဖို့လား --။

ညီညွတ်ရေးကို ချစ်တေဆို
မင်းရို့အိမ်ကို ဓမြတိုက်
မင်းဖလိုင်ဖင်းကို ဒါးနန့်ခွတ်
လူသတ်ဓမြကောင်နန့်
မင်းသမီးဘုတ်ဆုံမကို
ပီးစပ်နိုင်ခန့်လား --။

ညီညွတ်ရေးကို ချစ်တေဆို
အစာဖြစ်လို့ မင်းမယားကျောက်ပေါက်မကို
အိမ်ပေါ်ထက်က နှင်ချရေလဲ --။

လင်မျှောင်ထားခါ အသဲနာသည်
ဈီးကိုပြီးလီ ညီညွတ်ရေး --။

သာလှဦး
(21/11/2007)

ဝဋ်

ဝဋ်
==

မချစ်သော်လည်း
ပေါင်းဖော်ရသည်
အိမ်ကပီးစပ်ပါသောကြောင့် --။

(သာလှဦး)

ကြက်

ကြက်
===

ငှက်ဖြစ်ပါလျှက်
မပျံတတ်သော်
သင့်ကိုသူများ စားလိမ့်မည် --။

(သာလှဦး)

ကွက်လပ်ဖြည့်ပါ

ကွက်လပ်ဖြည့်ပါ
========

အသေဆိုးနဲ့သေမဲ့
(---------) တွေကို
တကယ်ဘဲ ကြိုးလိုက်ချင်ပါတယ်
(---------) သားတွေ --။

(သာလှဦး)

အာဏာတစ္ဆေရဲ့ ဈာပနည

အာဏာတစ္ဆေရဲ့ ဈာပနည
==============

ငြိမ်ဆိတ်တဲ့ ပတ်ဝန်းကျင်တခုလုံး
သင့်အားလှောင်ပြုံးနေတယ် --။

မီးသွေးရောင် ဇီးကွက်ငှက်တကောင်ဟာ
အစာရှာထွက်လာတယ် --။

သေမင်းရဲ့ အေးစက်တဲ့ လက်ချောင်းများစွာတို့
သော့မဲ့သင့်တခါးကို လာခေါက်နေတယ် --။

မှောင်မဲည အကာလ သန်ခေါင်ယံမှာ
မျက်ရည်ပူတို့ တလိမ့်လိမ့်စီးဆင်း
သေမင်းရဲ့ခေါ်သံ
နာခံခက်နေပြီလား --။

ပိုင်ဆိုင်မှုအားလုံး စွန့်လွှတ်ခဲ့တော့
နှောင်ဖွဲ့မှုကြိုး ဖြေလျှော့ခဲ့တော့
ကံကြမ္မာအလှည့် ကျိုးပဲ့သွားတဲ့
လှည်းဘီးရဲ့ဝင်ရိုး
နောက်ပြန်လှည့်ဖို့ မကြိုးစားနဲ့တော့ --။ 

XXXXXXXXXXXXXXXXXXXXX

ဘ၀နာရီလက်တံပေါ်က
နေညိုချိန် အိပ်မက်ပန်းချီကားတချပ်
ဆေးသားမှုန်ပျက်သွားခဲ့ပြီ --။

သံသရာ ညှာတံရိုးပေါ်က
ဝါကျင့်ကျင့် ဇရာနွေဦးသစ်ရွက်တရွက်
ရင့်ရော်ကြွေသက်သွားခဲ့ပြီ --။

ယစ်မူးမှု ရာဇပလ္လင်ပေါ်က
ဝိဥာဉ်မဲ့ ခန္ဓာကိုယ်ဟာ
ငိုယိုတဲ့ သံယောဇဉ်တွေကို
နားဝင်မချိုနိုင်တော့ပြီ --။

XXXXXXXXXXXXXXXXXXX

ဘ၀ရေပွက်စမ်းတို့ခမ်းခြောက်
မီးတောက်လို ပူပြင်းတဲ့နွေမှာ
အဖော်မပါ ခရီးသွား
တွေဝေစမ်းတ၀ါးဝါး
ခရီးသွားရအုံးမယ်ပေါ့--။

ဝေဒနာတွေ ရင်နင့်စွာခံစား
ဝင့်ကြွားမနေနိုင်ရှာတဲ့ငှက်ငယ်
ဘယ်ဆီဘယ်ဝယ်ပျံသန်း
ဘယ်စခန်း ခိုဝင်နားရအုံးမလဲ
အတောင်ညောင်းလို့ ရွက်ကြွေတောမှာ
အမောဖြေရှာနေရော့ထင့် ---။

XXXXXXXXXXXXXXXXXXXXXX

လောကဇတ်ခုံပေါ်မှာ
အဖြေရှာမရနိုင်တဲ့ သင်္ချာပုစ္ဆာတပုဒ်လို
ကကြိုးစုံစွာ သရုပ်ဆောင်ခဲ့ပြီ --။

ခါးသီးတဲ့နာကျည်းချက်
စွဲမက်ဖွယ်စကားလုံးများစွာ
ချိုမြိန်အနမ်း ဝေဒနာတသီတသန်းနဲ့
ဖြေလှမ်းမ၀ံ့မရဲနဲ့
တုံးနှေးနေပြီလား ---။

သောကမီးတို့ တမြေ့မြေ့လောင်ကျွမ်း
မောနွမ်းလျ အိမ်မပြန်နိုင်ရှာတော့
ကန္တာရ အလယ်က ငှက်ငယ်တကောင်လို
ရိုးတံကြဲကြဲသစ်ပင်ပေါ်မှာ
အဖော်မဲ့နေရှာာပြီလား ---။

ရေကြည်ရာမျက်နုရာ ရှာယင်း
ကျင်လည်ကျက်စား သွားလာခဲ့ရ
ဘ၀ရဲ့အလှရှာဖွေ
ဘ၀ရဲ့အဓိပ္ပါယ် တွေ့ပါလေစ --။

ဗျစ်ရည်ပူပူတခွက်သောက်လိုက်
ခေါင်းငိုက်စိုက်နဲ့ ကမ္ဘာကြီးပတ်ချာလည်သွား
ဒါဏ်ရာဒါဏ်ချက်တွေ သက်သာသွားပေါ့ …။

အကြင်နာတရားခေါင်းပါးတဲ့ ကမ္ဘာမြေပြင်ပေါ်မှာ
ရင်နာစရာအကြောင်းတွေ နှိပ်စက်
အိပ်ရေးလည်း ပျက်ခဲ့ပြီ---။

ဒယိမ်းဒယိုင်ခြေလှမ်းများစွာနဲ့
အိမ်အပြန်လမ်းမပေါ်မှာ
တေးတကြော်ကြော်အော်ဟစ်
သတိလည်း လစ်ခဲ့ပြီ--။ 

XXXXXXXXXXXXXXXXXXXXXXXXX

ဗြဟ္မစိုရ်တရားရှာဖွေရင်း
မျက်စိလည်လမ်းမှားသွားတဲ့ အလမ္ပါယ်မြွေဆရာ
ထူထည်းတဲ့တောလမ်းမကြီးတွေပေါ်မှာ
ဆင်ခြင်တုံတရားမဲ့စွာလျှောက်လှမ်း
မဇ္ဈိမပဋိပဒါ ခြေလှမ်းတွေနဲ့
မျက်ကန်းတစ္ဆေခြောက်သလို အဖြစ်မျိုး
ခရီးမတိုးနိုင်ရှာတော့
ရုန်းထွက်ထွက်ပေါက်ရှာယင်း
နစ်မြုတ်ယင်းနစ် ဘ၀ရေတိမ်နစ်ရတဲ့အဖြစ်
အပြစ်ရဲ့းဒါဏ်ချက်ဒါဏ်ရာ
အကြိမ်ရာပေါင်းများစွာခံစား
ရူးသွတ်သွားပြီ ---။ 

အ၀တ်ဗလာနဲ့ မိန့်ခလေးငယ်ငယ်တယောက်
ဒူးထောက်ခစား အသနားခံ
မျက်ရည်သွန်သွန်ယိုစီး
ငိုညီးနေရှာပေမဲ့
အမှောင်တံတိုင်းတွေရဲ့ အနိဌာရုံကန့်လန့်ကာတွေအကြား
(မရေမရာ) ရေတိမ်နစ်သွားရှာပြီ --။

တိရိစ္ဆာန်တွေရဲ့ကျည်ဖူး
ချွေခူးရက်စက်သွားတဲ့ပန်းငယ်
လွမ်းဖွယ်ပြောကျယ်တဲ့ သွေးသမုဒ္ဒရာ လှိုင်းတံပိုးတွေပေါ်မှာ
လွင့်မျောနေရှာပြီလား --။

မိစ္ဆာကောင်တွေရဲ့ ရွံရှာဖွယ် သမိုင်းအမည်းစက်
သွေးကြွေးဆပ်ရအုံးမယ်ပေါ့ --။

ပြည်သူ့နှလုံးသွေးရေစီးအောက်က
ကြောက်စရာ နဂါးမင်း
ရေမြွေသာသာအဆိပ်မပြင်းနိုင်ရှာတော့
မီးတောက်မီးလျှံတွေရဲ့ ပူသျှိန်ပြင်းပြတဲ့အာဏာ
မာန်စွယ်ကျိုးသွားရှာပြီ ---။

ဘုရားကျောင်းဆီက ခေါင်းလောင်းသံ
တောင်စောင်းနားဆီက နွားခလောက်သံ
သဘာဝနာရီသံတွေရပ်စဲ
နေလွဲသွားခဲ့ပြီ ---။

ခြောက်သွေ့တဲ့ မြေကမ္ဗလာမွေ့ရာပေါ်မှာ
အထီးကျန် သံဝေဂ ကန္တာရငှက်ခါး
ထာဝရ အိပ်စက်သွားခဲ့ပြီ --။ 

XXXXXXXXXXXXXXXXXXXXXXXXXXXX

သေသူရဲ့ ဂုဏ်ထူးဝိသေသ ပကာသန မာန
ခ၀ါချဆေးကြော
လူတွေ ချီကျူးစကားပြောရင်း
ဝန်တင်မြင်းလှည်းများနဲ့ မြေနီလမ်းအတိုင်း
ဒုန်းစိုင်းမောင်းနှင်အိမ်ပြန်လာကြ --.။

ဟိုး ခပ်ဝေးဝေးတောင်တန်းများဆီသို့
ငှက်သင်းတအုပ်
ခပ်သုတ်သုတ် ပျံသန်းသွားကြ --။

ဇရပ်အိုပေါ်က လည်တံရှည်လင်းတငှက်တို့
တောင်ဖက် အရပ်သို့ လှည့်ပျံသွားကြ ---။

ရွှေအိုအောင် တောလမ်းမကြီးအတိုင်း
နွားသင်းအုပ်တို့
ရွာသို့ ပြန်လာခဲ့ကြ --။ 

ဇရာ မရဏ မြစ်ရေစီးကြမ်း
သောကပရိဒေ၀ကမ်းပါးရိုင်းအောက်
ဒုက္ခလှိုင်းတို့ မွှေနှောက်ရိုက်ခတ်
ပဋိစ္စသမုဒ်ပါတ်
ဝဲဂယက်ထဲက ဗေဒါပင်
ရှင်ပြန် ထမြောက်လာနိုင်အုံးမလား --။

ဆူးကြမ်းခရောင်းလမ်းထက်
သံသရာအချိန်နာရီထား
တရွှေ့ရွှေ့နှုတ်ဆက်ထွက်ခွာသွားပြီ --။

ညကောင်းခင်ပြင်အောက်
ဘုန်းကြီးကျောင်းဆီက
နိဂုံးအမျှကြေးစည်သံ
ဘ၀င်္ဂညံခဲ့လေပြီ ---။

(ခိုင်လူခြင်္သေ့)

October 16, 1998, သောက်ကြာနိ ရွီးစပ်သည်။ 

မှတ်ချက်။ ။ မြန်မာကဗျာ